ہم نے موسیٰؑ سے تیس راتوں کا وعدہ لیا

اور اس میں دس راتوں کا اضافہ کردیا

اس کے بعد ہماری میقات چالیس دن ہوگئی

اور موسیٰؑ نے اپنے بھائی ہارون سے کہا کہ قوم میں میری جانشینی کرو

اصلاح کرو خبردار مفسدوں کے راستہ کی اتباع نہ کرنا

خدایا یہ وہ ایّام ہیں کہ جن کو تو نے ایّام پر فضیلت دی ہے اور شرافتیں دی ہیں

جب تو نے اپنے احسان و کرم سے وہاں تک پہنچا دیا ہے

تو ہم پر ان دنوں کی برکتوں کو نازل فرما

اور اپنی نعمتوں کو وسیع کردے۔

خدایا میرا سوال ہے کہ محمدؐ و آل محمدؐ پر رحمت نازل فرما

اور ہمیں بہترین ہدایت

اور عفّت و بے نیازی

اور عملِ خیر کے راستہ کی ہدایت فرما۔

خدایا میں تجھ سے سوال کررہا ہوں اے ہر فریاد کی منزل،

ہر راز کے سننے والے،

ہر اجتماع کے حاضر

اور ہر مخفی شئے کے جاننے والے

محمدؐ و آل محمدؐ پر رحمت نازل فرما

اور ان ایّام میں ہم سے بلاؤں کو دور کردے

ہماری دعاؤں کو قبول کرلے،

ہمیں طاقت دے ہماری مدد فرما

اور توفیق دے کہ وہ اعمال کریں کہ جن سے تو خوش و راضی ہوجائے

اور جسے تو نے واجب قرار دیا ہے ہماری مدد فرما ان اطاعتوں پر

اور اپنے رسول اور اپنے اولیٰ الامر کی اطاعت پر

خدایا تو بہترین رحم کرنے والا ہے میرا سوال ہے کہ

محمدؐ و آل محمدؐ پر رحمت نازل فرما

اور ان دنوں میں مجھے اپنی رضا عطا فرما دے۔

اے دعاؤں کے سننے والے

ہمیں ان نعمتوں سے محروم نہ کرنا جن کو آسمان سے نازل کرتا ہے

اور گناہوں سے پاکیزہ بنادینا

اے ہر غیب کے جاننے والے

میرے لیے ہمیشگی کا گھر جنّت کو لازم قرار دے دے

خدایا محمدؐ و آل محمدؐ پر رحمت نازل فرما

اور ہمارے کسی گناہ کو بغیر مغفرت کے نہ چھوڑنا

اور کسی رنج کو بغیر راحت کے نہ چھوڑنا۔

کوئی قرض نہ رہ جائے مگر یہ کہ ادا ہوجائے

اور غائب حاضر ہوجائے۔

دنیا و آخرت کی جو حاجت ہو

وہ آسان اور سہل ہوجائے

اس لیے کہ تو ہر شئے پر قادر ہے۔

اے پروردگار مخفی امور کے جاننے والے،

آنسوؤں پر رحم کرنے والے،

دعاؤں کے قبول کرنے والے،

زمین و آسمان کے مالک

جس کے لیے آوازیں مشتبہ نہیں ہوتیں،

محمدؐ و آل محمدؐ پر رحمت نازل فرما

اور ہمیں ان دنوں میں جہنّم سے آزاد کیے جانے والوں میں قرار دے

جو جنّت میں کامیاب ہوں

اور تیری رحمت سے عذاب سے نجات حاصل کرلیں

اے بہترین رحم کرنے والے

حضرت محمدؐ اور ان کی آلِ طاہرینؑ پر رحمت نازل فرما۔

(۱) میں گواہی دیتا ہوں کہ اللہ کے علاوہ کوئی خدا نہیں ہے۔

اس کا کوئی شریک نہیں۔

سارا ملک اور ساری حمد اس کے لیے ہے۔

سارا خیر اس کے ہاتھوں میں ہے۔

وہ ہر شئے پر قادر ہے۔

(۲) میں گواہی دیتا ہوں کہ اس کے علاوہ کوئی خدا نہیں ہے۔

اس کا کوئی شریک نہیں۔

وہ واحد و یکتا ہے، بے نیاز ہے،

نہ اس کے لیے کوئی زوجہ ہے نہ اولاد۔

(۳) میں گواہی دیتا ہوں کہ اللہ کے علاوہ کوئی خدا نہیں ہے۔

اس کا کوئی شریک نہیں ہے۔

وہ یکتا ہے بے نیاز ہے

نہ اس کا کوئی باپ ہے

نہ اولاد ہے اور نہ کوئی ہمسر ہے۔

(۴) میں گواہی دیتا ہوں کہ اللہ کے علاوہ کوئی خدا نہیں ہے۔

اس کا کوئی شریک نہیں۔

ملک و حمد اس کے لیے ہے

موت و حیات اس کے ہاتھوں میں ہے۔

وہ خود ایسا زندہ ہے کہ جس کے لیے موت نہیں۔

ہر خیر اس کے قبضے میں ہے

وہ ہر شئے پر قادر ہے۔

(۵) میرے لیے اللہ ہی کافی ہے۔

وہ ہر دعا کو سن لیتا ہے۔

اس کے علاوہ کوئی اور آخری مرکز نہیں ہے۔

اس کے لیے گواہی دیتا ہوں اس شئے کی جس کی اس نے دعوت دی ہے

اور ہر اس سے بری ہوں جس سے وہ بری ہے

اور میں گواہ ہوں کہ دنیا و آخرت اسی کے ہاتھ میں ہے۔

اللہ کے علاوہ کوئی معبود نہیں راتوں اور دنوں کے اعداد کے مطابق۔

اللہ کے علاوہ کوئی معبود نہیں اور یہ اقرار سمندروں کی موجوں کے برابر ہے۔

اللہ کے علاوہ کوئی معبود نہیں، اس کی رحمت ہر ذخیرے سے بہتر ہے۔

اللہ کے علاوہ کوئی معبود نہیں دنیا کے درختوں اور کانٹوں کی تعداد کے برابر۔

اللہ کے علاوہ کوئی معبود نہیں ہے دنیا کے بال اور روئیں کے عدد کے برابر

اللہ کے علاوہ کوئی معبود نہیں ایک ایک دانہ اور اینٹ کے برابر ہے۔

اللہ کے علاوہ کوئی معبود نہیں آنکھوں کی پلکوں کے جھپکنے کے برابر ہے۔

اللہ کے علاوہ کوئی معبود نہیں ہے اور یہ تسبیح رات میں بھی ہے اور دن میں بھی ہے جب وہ سانس لے

اللہ کے علاوہ کوئی معبود نہیں ہے ہواؤں اور پتھروں کے برابر ہے

اللہ کے علاوہ کوئی معبود نہیں ہے اور یہ اقرار آج سے لے کر اس دن تک رہے گا جس دن صور پھونکا جائے گا۔