اللہ کے علاوہ کوئی خدا نہیں ہے۔

وہ ایک ہے، تنہا ہے، اکیلا ہے۔

اس نے اپنے وعدے کو پورا کیا،

اپنے بندے کی مدد کی،

اپنے لشکر کی مدد کی

اور تمام احزاب پر غالب بنایا۔

اسی کے لیے ملک اور اسی کے لیے حمد ہے۔

وہ زندہ کرتا ہے اور موت کا دینے والا ہے

اور (پھر) وہ موت دیتا ہے اور مردوں کو زندہ کرتا ہے؛

جبکہ وہ ہمیشہ سے زندہ ہے اور اسے کبھی موت نہیں آتی۔

ساری بھلائی اسی کے ہاتھ میں ہے۔

اور ہر شئے پر قادر ہے۔

اس خدا سے بخشش چاہتا ہوں کہ جس کے سوا کوئی معبود نہیں

وہ زندہ پائندہ عزّت و دبدبے والا ہے

اور اس کے حضور توبہ کرتا ہوں۔

میں اپنے نفس اور جو کچھ مجھے خدا نے دیا ہے سب کو اس خدا کی پناہ میں دیتا ہوں

جو واحد ہے، بے نیاز ہے،

نہ اس کا کوئی باپ ہے نہ بیٹا

اور نہ کوئی ہمسر۔

میں اپنے نفس اور اپنی تمام نعمتوں کو اس خدا کے حوالہ کرتا ہوں

جو صبح کا خالق ہے، جو مجھے مخلوقات کے شر سے،

دن و رات کے شر سے

اور جھاڑ پھونک کرنے والیوں کے شر سے

اور ہر حاسد کے شر سے محفوظ رکھے ہے۔

میں اپنے نفس اور اپنی ساری ملکیت کو اس خدائے بزرگ و برتر کے حوالے کرتا ہوں

جو انسانوں کا رب ہے،

انسانوں کا مالک ہے

اور انسانوں کا معبود ہے

تا کہ وہ مجھے وسواس خناس کے شر سے محفوظ رکھے

جو لوگوں کے دلوں میں وسوسہ پیدا کرتے ہیں

چاہے انسانوں میں ہوں چاہے جنّات میں۔

خدایا میں تیری ذاتِ کریم

اور تیری عزّتِ عزیز

اور تیری قدرت لا متناہی کی پناہ چاہتا ہوں،

دنیا و آخرت کے شر سے

اور تمام بیماریوں کے شر سے۔

کوئی طاقت اور قوّت نہیں مگر جو بلند و بزرگ خدا سے ملتی ہے۔

خدایا میں تجھ سے ہر اس خیر کا سوال کرتا ہوں

جو تیرے علم میں ہے

اور ہر اس برائی سے پناہ چاہتا ہوں

جو تیرے علم میں ہے۔

خدایا میں اپنے تمام معاملات میں عافیت چاہتا ہوں۔

دنیا کی رسوائی اور آخرت کے عذاب سے پناہ چاہتا ہوں۔

خدایا محمدؐ و آل محمدؐ پر رحمت نازل فرما۔

خدایا محمدؐ و آل محمدؐ پر رحمت نازل فرما۔

مجھے جہنّم سے پناہ دے دے،

جنّت میں داخل کردے

اور حور العین سے میرا رشتہ قرار دے دے۔