اے وہ کہ ہر چیز سے بے نیاز کرتا ہے

اور کوئی چیز اس سے بے نیاز نہیں کرتی

مشکلوں میں میری مدد فرما۔

اے ہر فریاد کی منزل ،

ہر راز کے سننے والے،

ہر جگہ پر حاضر،

ہر مخفی بات کے جاننے والے،

ہر بلا کو دفع کرنے والے ،

ابراہیمؑ کے خلیل،

موسیٰؑ کے دوست،

پیغمبرؐ کے انتخاب کرنے والے۔

درود و سلام ہو ان پر اور ان کی آل پر

میں تجھ سے ویسی دعا کرتا ہوں جیسے وہ انسان کرتا ہے جس کا فقر وفاقہ شدید ہو،

جس کی تدبیریں ختم ہوگئی ہوں ،

جس کی قوّت کمزور ہو،

میری دعا ایسی ہے جیسے ایک انسان غریب ڈوبنے والا مضطر

جو اپنے لیے تیرے علاوہ کوئی سہارا نہیں پاتا ۔

اے ارحم الراحمین میرے حال پر رحم فرما۔

اے ہم وغم کے

دور کرنے والے ،

اے دنیا و آخرت کے رحمن و رحیم

میرے ہم وغم کو

دور کر دے۔

اے وہ جو ایک ہے،

اکیلا ہے، بے نیاز ہے۔

نہ اس کا کوئی باپ ہے نہ بیٹا ہے

اور نہ کوئی ہمسر ہے۔

میری حفاظت فرما، مجھے پاکیزہ بنادے

اور مجھ سے بلاؤں کو دور کرے۔

اے زندہ، اے پائندہ

اے کہ نہیں معبود سوائے تیرے،

تیری رحمت کے واسطے سے فریاد کرتا ہوں

پس مشکل میں میری مدد فرما

اور مجھے میرے نفس کے سپرد نہ کر۔

اے معبود!

میں تجھ سے محمدؐ و علیؑ کے حق کے ذریعے سوال کرتا ہوں

کہ تیرے حضور ان دونوں کا خاص مرتبہ اور بلند منزلت ہے

پس ان کے اس مر تبے

اور ان کی منزلت کے

واسطے سے سوال کرتاہوں کہ

تو محمدؐ و آلؑ محمدؐ پر رحمت فرما اور یہ کہ میری یہ اور یہ حاجت پوری فرما۔

اے معبود! علیؑ کا واسطہ جو تیرے ہاں صاحب ِمقام ہیں ان کی خاطر مجھے بخش دے۔