اے خدا اے آسمان و زمین کے پیدا کرنے والے،

حاضر و غائب کے جاننے والے،

اے رحمٰن و رحیم

میں تیری بارگاہ میں عہد کرتا ہوں

کہ میں اس بات کی گواہی دیتا ہوں کہ تیرے علاوہ کوئی خدا نہیں ہے

کوئی اس کا شریک نہیں

محمدؐ تیرے بندہ و رسول ہیں،

قیامت آنے والی ہے اس میں کوئی شک نہیں ہے۔

اللہ ہم لوگوں کو قبر سے نکالنے والا ہے۔

حساب حق ہے،

جنّت حق ہے،

خدا نے جن نعمتوں کا وعدہ کیا ہے

چاہے کھانے کی ہوں، چاہے پینے کی ہوں، چاہے نکاح کی ہوں، سب برحق ہیں۔

جہنّم برحق ہے۔

ایمان حق ہے۔

دین ویسا ہی ہے جیسا تو نے بیان کیا ہے۔

اسلام ویسا ہی ہے جیسا تو نے بنایا ہے،

بات وہی ہے جو تو نے کہی ہے،

قرآن وہی ہے جو تو نے نازل کیا ہے۔

اللہ ہی حق مبین ہے۔

خدایا میں تجھ سے عہد کرتا ہوں کہ

اس دارِ دنیا میں میں تجھ کو رب سمجھتا ہوں،

اسلام کو دین مانتا ہوں،

محمدؐ کو نبی مانتا ہوں،

علیؑ کو ولی و امام مانتا ہوں،

قرآن کو کتاب

اور اہل بیتؑ پیغمبرؐ کو اپنا پیشوا مانتا ہوں۔

خدایا تو ہر شدّت میں میرا سہارا،

ہر رنج میں میری امید

اور جملہ نازل ہونے والے امور میں میرا ذخیرہ ہے۔

تو نعمتوں میں میرا ولی

اور میرا خدا اور میرے بزرگوں کا خدا ہے۔

محمدؐ وآل محمدؐ پر رحمت نازل فرما

اور مجھے ایک لمحے کے لیے میرے نفس کے حوالے نہ کردینا،

میری قبر میں نور فراہم کرنا۔

اس عہد کو قیامت تک کے لیے محفوظ رکھنا۔

شفاعت کے مالک نہیں ہوں گے مگر وہ لوگ جنہوں نے خدائے رحمٰن کے ہاں سے عہد لے لیا ہے اور یہ وہی عہد ہے ۔