Khoodaya Ay aasmaan o zameen ke paida karne waale

Ghaa'ib o haazir ke jaan-ne waale,

Ay Rahmaan o Raheem,

main duniya mein is baat ka ahd karta hoon ke

yaqeenan tu woh Allah hai ke tere siwa koi Ma'bood nahin

Tu Yekta hai tera koi shareek nahin

Hazrat Muhammad (S.A.W.)

tere bande aur Rasool hain.

Khoodaya Muhammad (S.A.W.) o Aal-e-Muhammad (A.S.) par rehmat naazil farma

aur hamein palak jhapagne ke baraabar bhi khud hamaare hawaale na kar dena

aur na kisi makhlooq ke hawaale karna,

is liye ke agar tu ne makhlooqaat ke hawaale kar diya

to goya mujhe khair se door kar diya

aur shar se qareeb kar diya.

Khoodaya mera i'temaad sirf teri rehmat par hai

lihaaza Muhammad (S.A.W.) o Aal-e-Muhammad (A.S.) par rehmat naazil farma

aur mere liye woh ahd qaraar de

jisko roz-e-Qayamat adaa kar de

is liye ke tu apne wa'ade ke khilaaf nahin karta hai.

Parwardigaara! Muhammad (S.A.W.) aur unke Ahl-e-Bait (A.S.) par rehmat farma.

Parwardigaara rehmat naazil farma Muhammad (S.A.W.) o Aal-e-Muhammad (A.S.) par

Parwardigaara rehmat naazil farma Muhammad (S.A.W.) o Aal-e-Muhammad (A.S.) par

aur meri gardan ko aatish-e-Jahannam se aazaad kar de.