Ay Kareem, Ay Kareem, Ay Kareem,

Ay Azeem, Ay Azeem, Ay Azeem,

Ay har Azeem se baala tar Azeem,

Ay du'aaon ke sunne waale

Ay woh jis par din o raat ke taghayyuraat ka asar nahin hai,

Muhammad (S.A.W.) o Aal-e-Muhammad (A.S.) par rehmat naazil farma

Aur hamaari kamzori,

hamaare faqr o faaqa aur hamaari ghurbat par reham farma

Is liye ke tu hamaare haalaat ko hum se behtar jaanta hai.

Hamaari haajaton ko jaanta hai.

Ay woh Khuda jisne Ya'qoob (A.S.) par reham karke Yusuf (A.S.) ko waapas kar diya

jo unki aankhon ki thandak the.

Ay woh Khuda jisne taweel imtihaan ke baad Ayyub (A.S.) par reham kiya.

Ay woh Khuda jisne Paighambar (S.A.W.) par reham kiya.

Yateemi mein unhein panaah di

Aur Quraysh ke zaalimon ke muqaable mein unki madad ki

Aur unko iqtidaar inaayat farmaaya.

Ay mere Faryaad Ras, Ay mere Faryaad Ras, Ay mere Faryaad Ras.