Rəhman və Rəhim Allahın adı ilə.

Həmd-səna o Allaha məxsusdur ki, Öz qüdrəti ilə zülmət gecəni apardı

və Öz rəhməti ilə aydın gündüzü gətirdi;

Onun nuru məni bürümüş və mən Onun nemətləri içindəyəm.

Ey Allahım, məni bu günə qədər qoruyub saxladığın kimi, digər günlərdə də qoru,

peyğəmbərin Məhəmmədə və onun xanidanına salam göndər,

məni onda və ondan qeyrisində kədərləndirmə,

(bu günün və) başqa gecə və gündüzlərdə

haram işlər yerinə yetirməklə

və günah işlətməklə (səbəbilə);

bu günün xeyrini mənə ruzi et,

bu gündə olan xeyiri

və bu gündən sonrakı günlərdə olan xeyiri;

bu günün şərini məndən uzaq et,

bu gündə olan şəri

və bu gündən sonrakı günlərdə olan şəri.

Ey Allahım, mən İslamın pənahında Sənə təvəssül edirəm,

Quranın hörməti ilə Sənə etimad edirəm,

Məhəmməd Mustəfa vasitəsilə –

Allahın salamı olsun ona və xanidanına! –

Sənin dərgahında şəfaət istəyirəm.

Ey Allahım, mənim əhd-peymanımı (boynumda olanı) qəbul et,

o əhd ki, hacətimin həyata keçməsinə ümid bağlamışam,

ey rəhimlilərin ən rəhimlisi.

Ey Allahım, "yəvmul-xəmis"də (cümə axşamı günü) mənim beş hacətimi həyata keçir –

bu, yalnız Sənin kərəminə sığar

və yalnız Sənin nemətlərinlə olar -:

Sənə itaət etməyə qüvvəmin olması üçün "sağlamlıq",

Sənin böyük savabına nail olmaq üçün "ibadət",

halal ruzi ilə "durumumun yaxşılaşması",

qorxulu məkanlarda Sənin əmniyyətinlə məni "amanda saxlamağın",

kədər və qəm-qüssənin hücumundan məni "Sənin kanarında pənahgahda" qərar verməyin.

Məhəmmədə və Ali-Məhəmmədə salam göndər,

ona olan təvəssülümü şəfaətçi qərar ver,

Qiyamət günündə faydalı et,

həqiqətən Sən rəhimlilərin ən rəhimlisisən.