Du'a-e-Imam Zainul Aabideen Alaihissalam

Ay woh Khuda jis nay nekiyon ko zaahir kiya

aur buraa'iyon par pardah daal diya

jaraa'im ka mu'aakhizah nahin kiya

aur pardah ko chaak nahin kiya.

Ay 'Azeem Ma'aafi waalay

Ay Behtareen Darguzar karnay waalay

Ay Wasee' Maghfirat waalay,

Ay donon haathon say 'ataa karnay waalay,

Ay Raaz kay Saathi,

Har faryaad ki aakhiri manzil,

Ay Kareem ma'aaf karnay waalay

'Azeem ummeedon kay markaz

istihqaaq say pehlay ne'matein denay waalay,

Ay meray Rabb, Ay meray Sardaar, Ay meray Mawla,

Meri raghbaton ki aakhiri manzil,

Mein tujh say sawaal karta hoon kay Muhammad (S.A.W.W.)-o-Aal-e-Muhammad (S.A.W.W.) par rehmat naazil farma.