Ey mənim Məbudum, səslər Sənin qarşında alçalmış

və ağıllar Sənin barəndə heyrətdədir,

hər şey Səndən (əzəmətindən) qorxuya düşmüş

və hər şey Sənə tərəf fərar etmişdir,

hər şey Sənin qarşında məhduddur

və Sənin nurun hər şeyi bürümüşdür.

Cəlalətin ucadır,

və gözəlliyin gözəldir,

və qüdrətin əzəmətlidir,

və Sən eləsən ki, heç nə Səni zəhmətə salmır.

Ey nemətimi (ruzimi) nazil edən,

ey qəm-qüssəmi dağıdan,

və ey istəklərimi həyata keçirən,

mənim istəyimi həyata keçir (mənə əta et),

"Səndən qeyri İlah yoxdur" kəlməsinə xatir,

dinimi Sənin üçün xalis edərək Sənə iman gətirdim,

gücüm çatdığı qədər Sənin əhd-peymanına (vəfa edib) sübhü açdım,

Sənin nemətinlə Sənə tərəf qayıdıram,

günahlarım üçün Səndən bağışlanma istəyirəm: o günahlar ki, Səndən qeyri kimsə onları bağışlamır.

Ey o kəs ki, yüksəkdə olduğun halda yaxınsan

və yaxın olduğun halda yüksəkdəsən,

nur saçdığın halda nur səpirsən

və hökmdarlıqda qüdrətlisən,

Məhəmmədə və onun xanidanına salam göndər.