نماز غفیلہ

(اس کے علاوہ مغرب و عشاء کے درمیان نماز غفیلہ پڑھے جس کی دو رکعتیں ہیں پہلی رکعت میں سورہ حمد کے بعد آیہ و ذالنون پڑھے۔ )

یاد کرو یونس کو جب وہ قوم کے درمیان سے غضبناک ہو کر

باہر نکل گئے اور ان کا خیال یہ تھا کہ ہم ان پر کوئی سختی نہیں کریں گے

لیکن آخر میں انھوں نے شکم ماہی کی تاریکیوں سے ہمیں آواز دی کہ

خدایا تیرے علاوہ کوئی خدا نہیں ہے۔ تو بے نیاز ہے۔

میں نے اپنے اوپر زیادتی کی ہے۔

تو ہم نے ان کی دعا قبول کر لی اور انھیں غم سے نجات دے دی کہ

ہم اسی طرح صاحبان ایمان کو نجات عطا کرتے رہتے ہیں۔

(اس کے بعد اپنی حاجت کو طلب کرے کہ روایت میں وارد ہوا ہے کہ جو شخص بھی اس نماز کو ادا کر کے اپنی حاجت کو طلب کرے پروردگار اس کی حاجتوں کو ضرور پورا کرے گا۔)

وہ خدا وہ ہے جس کے پاس غیب کے علم ہیں

جنھیں اس کے علاوہ کوئی نہیں جانتا۔

وہ خشک و تر کی ہر چیز کوجانتا ہے۔

درخت سےگرنے والےہر پتے کوجانتا ہے۔

زمین کے اندر چھپے ہوئے دانوں کو جانتا ہے

اور اس نے ہر خشک و تر کو

کتاب میں جمع کر دیا ہے۔

خدایا میں تجھ سے غیب کے ان خزانوں کے وسیلہ سے

سوال کر رہا ہوں جن کو تیرے علاوہ کوئی نہیں جانتا کہ

محمدؐ و آل محمدؐ پر رحمت نازل فرما اور میرے ساتھ بہترین سلوک فرما۔

خدایا تو میری نعمتوں کا مالک

اور میرے مقاصد کو پورا کرنے پر قادر ہے۔

تو میری حاجتوں کو جانتا ہے۔

میں تجھ سے محمدؐ و آل محمدؐ کے

حق کے وسیلہ سے سوال کرتا ہوں کہ

تو میری حاجتوں کو پورا کر دے۔