زیارت عاشورا

زیارت امام حسینؑ روز عاشورہ

(واضح رہے کہ روز عاشورا جو زیارتیں نقل کی گئی ہیں وہ بہت سی ہیں لیکن ہم اختصار کی بنا پر صرف دو زیارتیں نقل کر رہے ہیں اور باب دوم میں اعمال عاشورہ کے ذیل میں بھی ایک زیارت نقل کی جا چکی ہے ان مطالب کے ساتھ جو اس جگہ سے بھی مناسبت رکھتے ہیں۔ مذکورہ دو زیارتوں میں سے پہلی زیارت عاشورہؔ معروفہ ہے جو نزدیک و دور ہر جگہ سے پڑھی جاتی ہے اور اس کی داستان یوں ہے کہ شیخ طوسیؒ نے مصباح میں ذکر کیا ہے کہ محمد بن اسماعیل بن بزیع نے صالح بن عقبہ سے ان کے باپ کے حوالہ سے امام محمد باقرؑ سے روایت کی ہے کہ حضرت نے فرمایا کہ جو شخص دسویں محرم کو امام حسینؑ کی زیارت کرے وہ روزِ قیامت پروردگار سے دو ہزار حج، دو ہزار عمرہ اور دو ہزار جہاد کے ساتھ ملاقات کرے گا جو اس نے رسولؐ خدا اور ائمہؑ طاہرینؑ کے ساتھ انجام دیئے ہوں۔ راوی نے عرض کیا کہ اس کے لئے کیا ثواب ہے جو کربلا سے باہر کسی دوسرے مقام پر ہو اور اس کے لئے کربلا جانا ممکن نہ ہو۔ فرمایا کہ اگر ایسا ہو تو صحرا میں یا پشت بام پر چلا جائے اور حضرت کی قبر کی طرف اشارہ کر کے دشمنوں پر لعنت کرے اور سلام کے بعد دو رکعت نماز ادا کرے اور یہ سارے کام زوال آفتاب سے پہلے انجام دے۔ پھر امام حسینؑ پر گریہ کرے اور اپنے گھر والوں کو بھی اس کا حکم دے اگر تقیہ کا زمانہ نہ ہو اور اپنے گھر میں عزاداری برپا کرے اور رنج وغم کا اظہار کرے اور ایک دوسرے کو تعزیت پیش کرے۔ فرمایا کہ اس بات کامیں ضامن ہو ں کہ پرورگار عالم اس عمل کے انجام دینے والے کو یہ تمام ثواب عنایت فرما دے گا۔ میں نے عرض کیا کہ آپ ضامن ہیں تمام ثواب کے لئے اور کفیل ہیں سارے اجر کے لئے۔ فرمایا بیشک میں ضامن اور کفیل ہوں اس شخص کے لئے جس نے ان تمام اعمال کو انجام دیا ہو۔ اس نے عرض کی کہ اس تعزیت کا طریقہ کیا ہوگا؟ فرمایا کہ یوں کہے۔)

(اور اگر ممکن ہو کہ اس دن کسی دنیاوی کام کے لئے باہر نہ جائے تو ایسا کرنا چاہیئے کہ یہ دن انتہائی منحوس ہے جس دن کوئی بھی حاجت پوری ہونے والی نہیں ہے اور اگر پوری ہو بھی جائے تو اس میں کوئی برکت نہ ہو گی اور کوئی خیر دیکھنے میں نہ آئے گا۔ اس کے علاوہ اپنے گھر کے لئے اس دن کوئی سامان بھی ذخیرہ نہیں کرنا چاہیئے کہ جو شخص اس دن سامان کا ذخیرہ کرے گا وہ ہر گز برکت نہ دیکھے گا نہ اپنے لئے اور نہ اپنے اہل کے لئے اور جو انسان ان اعمال کو انجام دے گا پروردگار اس کے لئے ہزار حج، ہزار عمرہ، اور ہزار جہاد کا ثواب لکھ دے گا جو رسولؐ خدا کے ساتھ انجام دیئے ہوں او ر اسے تمام پیغمبر، رسولؐ، اوصیاء، صدیق اور شہید کا ثواب عنایت فرمائے گا جو راہِ خدا میں قربان ہوئے ہوں اس وقت سے جب سے یہ کائنات پیدا ہوئی ہے اور جب تک قیامت نہ آجائے۔ صالح بن عقبہ اور سیف بن عمیر کہتے ہیں کہ علقمہ بن محمد خضرمی نے بیان کیا کہ میں نے امام باقرؑ سے عرض کیا کہ آپ مجھے وہ دعا تعلیم کریں جسے میں روز عاشور پڑھوں، جب بھی امام حسینؑ کی زیارت کروں اور وہ دعا جو اس وقت پڑھوں جب حضرت کی قریب سے زیارت نہ کر سکوں اور دور سے اشارہ کر کے سلام کروں۔ آپ نے فرمایا کہ اے علقمہ جب بھی تم زیارت کرنا چاہو تو دو رکعت نماز پڑھو۔ اس کے بعد آنحضرت کی قبر کی طرف اشارہ کرتے وقت تکبیر کے بعد یہ زیارت پڑھو تو یقیناً ایسا کرنے کے بعد گویا تم نے وہ دعا کی ہے جسے زیارت کرنے والے ملائکہ پڑھتے ہیں اور پروردگار تمھارے لئے ہزار ہزار درجے لکھ دے گااور تمہارا شمار ان لوگوں کے ساتھ ہو گا جو امام حسینؑ کے ساتھ قربان ہو گئے ہوں اور روزِ قیامت شہیدوں میں محسوب کئے جاؤ گے اور تمہارے واسطے ہر پیغمبر یا رسول کا وہ چواب لکھا جائے گا جو امام حسینؑ کی زیارت سے حاصل ہوا ہو روزِ شہادت سے آج تک۔ سلام کا طریقہ یہ ہے۔)