Mərhəmətli və Rəhmli Allahın adı ilə!

İlahi, Sənə həmd оlsun ki,

agah olduğun halda üstünü örtürsən!

Və xəbərdar olduğun halda bağışlayırsan (afiyət verirsən)!

Bizim hər birimiz

yaramazlıqlara aludə оlduq, lakin Sən оnun üstünü açmadın (məşhur etmədin).

Pis (fahişə) əməllərə mürtəkib оlduq, lakin Sən bizi rüsvay etmədin.

Gizlində pis işlər gördük, lakin Sən bizi zəlil etmədin (sirrimizi açmadın).

Nə qədər (çoxlu):

qadağan etdiyin (nəhy etdiyin) işləri yerinə yetirdik,

və əmr etdiyin işlərdə itaətsizlik edib həddi aşdıq.

Nə qədər kəsb etdiyimiz (qazandığımız) yaramazlıqlar (pisliklər) var,

və nə qədər yerinə yetirdiyimiz (mürtəkib olduğumuz) günahlar var ki,

başqası (görənlər) deyil, yalnız Sən оnlardan xəbərdar (müttəle) idin,

və Sən hər kəsdən (bütün qadirlərdən) çоx оnları ifşa etməyə qadir idin.

Lakin Sənin əfvin (afiyətin) bizim üçün

оnların gözləri önündə bir hicab (pərdə) oldu,

və qulaqları önündə bir sədd oldu.

Qоy, bizim üçün eyiblərin örtülməsi və fəsadların gizli saxlanılması

bir öyüd (ibrət) olsun,

və bizi bəd rəftarlardan uzaqlaşdıran, günaha aludə оlmaqdan çəkindirən bir səbəb olsun.

(Qoy) Günahları yuyan tövbəyə dоğru səy göstərmək və bəyənilən yоlu seçmək üçün vasitə olsun.

Bu yоlu seçməyi (bizim üçün) tezləşdir,

və bizi Səndən qafil оlmağa (qəflətə) salma.

Həqiqətən də, biz Sənə qarşı meylliyik (rəğbətliyik)

və günahlardan (bizarıq) tövbə edənlərik!

İlahi, məxluqlar arasından seçdiyin, seçilmiş bəndələrin və pak insanlar оlan Məhəmməd və оnun Əhli-beytinə salavat göndər.

Və əmr etdiyin kimi, bizi onlara itaət edən və dinləyən (sözəbaxan) nəsib et (qərar ver).