Rəhman və Rəhim Allahın adı ilə.

Ey əzəmətinin qəribəlikləri sona yetməyən (əzəmət sahibi)!

Məhəmməd və onun Əhli-beytinə salavat (salam) göndər,

və bizi Sənin əzəmətini danmaqdan (ilha edib azmaqdan) qoru (pərdələ).

Və ey hökmdarlığının (mülkünün) müddəti sona yetməyən (varlıq)!

Məhəmməd və onun Əhli-beytinə salavat göndər,

və boyunlarımızı Sənin qəzəbindən (əzabından) azad et.

Və ey rəhmət xəzinələri fənaya uğramayan (tükənməyən)!

Məhəmməd və onun Əhli-beytinə salavat göndər,

və bizi də Öz rəhmətində nəsibkar (pay sahibi) et.

Və ey görən gözlərin Onu görməkdən qısa (kəsik) qaldığı (gözə görünməyən varlıq)!

Məhəmməd və onun Əhli-beytinə salavat göndər,

və bizi Öz qürbünə (Özünə) yaxınlaşdır.

Və ey əzəmətinin qarşısında bütün böyüklüklərin (şanların) kiçildiyi varlıq!

Məhəmməd və onun Əhli-beytinə salavat göndər,

və bizi Öz dərgahında əziz (kəramətli) tut.

Və ey gizli xəbərlərin (sirlərin) Onun yanında aşkar (təmiz) olduğu (varlıq)!

Məhəmməd və onun Əhli-beytinə salavat göndər,

və bizi Öz yanında (Öz qarşında) rüsvay etmə.

İlahi!

Sən Öz bəxşişinlə bizi digər bəxş edənlərin bəxşişindən ehtiyacsız (qəni) et.

Və bizi Özünə qovuşdurmaqla (silə), başqalarının bizimlə əlaqələri kəsmək qorxusundan (vəhşətindən) dəf et.

Ta ki, Sənin bəxşişin (fəzlin) olduğu halda heç kimə rəğbət bəsləməyək,

və Sənin fəzlinlə heç kimdən vəhşətə düşməyək (qorxmayaq).

İlahi, beləliklə, Məhəmməd və onun Əhli-beytinə salavat göndər,

və bizim xeyrimizə tədbir tök, ziyanımıza tədbir (hiylə) qurma (bizi tək buraxma).

Və bizim xeyrimizə məkr et, ziyanımıza məkr etmə,

və başqalarını bizə deyil, bizi başqalarına qalib et.

İlahi, Məhəmməd və onun Əhli-beytinə salavat göndər,

və bizi Səndən (Sənin əzabından) qoru,

və Öz mərhəmətinlə (Öz vasitənlə) bizi qoru,

və bizi Özünə doğru hidayət (yönəlt) et,

və bizi Özündən uzaqlaşdırma!

Çünki Sənin qoruduğun şəxs salamat qalar,

və Sənin hidayət etdiyin şəxs müdrik (bilikli) olar,

və Özünə yaxın etdiyin şəxs isə qənimət (zəfər) əldə edər.

İlahi, Məhəmməd və onun Əhli-beytinə salavat göndər,

və bizi qoru (kifayət et):

zamanın müsibətlərinin (hədlərinin) çətinliklərindən,

və şeytanın tələlərinin şərrindən,

və (zalım) hökmdarın hücumunun (təkəbbürünün) acısından!

İlahi, şübhəsiz ki, ehtiyacsızlar yalnız Sənin qüvvətinin fəzli sayəsində kifayətlənmişlər (ehtiyacsız olublar).

Odur ki, Məhəmməd və onun Əhli-beytinə salavat göndər və bizə kifayət et (Özünə möhtac et).

Şübhəsiz ki, əta edənlər yalnız Sənin zənginliyinin (ətanın) fəzli sayəsində əta edirlər.

Odur ki, Məhəmməd və onun Əhli-beytinə salavat göndər və bizə nemətlər əta et.

Şübhəsiz ki, hidayət olunanlar yalnız Sənin (vəchinin) nurunla doğru yolu tapıblar (hidayət olublar).

Odur ki, Məhəmməd və onun Əhli-beytinə salavat göndər və bizi doğru yola yönəlt.

İlahi, şübhəsiz ki Sən,

kimi (dost) himayə etsən (vəli qərar versən), xar edənlərin xarlığı ona ziyan vurmaz!

Və kimə əta etsən, mane olanların maneliği ondan (heç nə) azaltmaz.

Və kimi hidayət etsən, azdıranların azdırması onu azdıra bilməz!

Elə isə Məhəmməd və onun Əhli-beytinə salavat göndər,

və Öz izzətinlə bizi bəndələrin(in şərrin)dən qoru.

Və Öz bəxşişinlə (nemətlər əta etməklə) bizi başqalarından ehtiyacsız et.

Və Öz irşadınla (hidayətinlə) bizi haqq yoluna yönəlt.

İlahi, Məhəmməd və onun Əhli-beytinə salavat göndər və qərar ver:

Sənin əzəmətinin zikri sayəsində qəlbimizin sağlamlığını,

Sənin nemətlərinin şükrü sayəsində bədənimizin fərağətini (rahatlığını),

və bəxş etdiklərinin vəsfi ilə dilimizin rəvanlığını (açıqlığını).

İlahi, Məhəmməd və onun Əhli-beytinə salavat göndər və bizi onlardan qərar ver:

bəndələri Sənə doğru dəvət edən (çağıran) dəvətçilərindən,

və Sənə tərəf yol göstərən hidayətçilərindən,

və Sənin dərgahında sadiq olan xüsusi (xas) bəndələrindən. Ey rəhmlilərin ən rəhmlisi!