اللہ جس کے علاوہ کوئی خدا نہیں ہے

زندہ بھی ہے اوراسی سے کل کائنات قائم ہے

اسے نہ نیند آتی ہے نہ اُونگھ

آسمانوں اور زمین میں جو کچھ بھی ہے سب اسی کا ہے.

کون ہے جو اس کی بارگاہ میں اس کی اجازت کے بغیر سفارش کرسکے.

وہ جو کچھ ان کے سامنے ہے اور جو پبُ پشت ہے سب کوجانتا ہے

اور یہ اس کے علم کے ایک حّصہ کا بھی احاطہ نہیں کرسکتے مگر وہ جس قدر چاہے.

اس کی کرس علم و اقتدار زمین و آسمان سے وسیع تر ہے

اور اسے ان کے تحفظ میں کوئی تکلیف بھی نہیں ہوتی

وہ عالی مرتبہ بھی ہے اور صاحبِ عظمت بھی

دین میں کسی طرح کا جبر نہیں ہے.

ہدایت گمراہی سے الگ اور واضح ہوچکی ہے.

اب جو شخص بھی طاغوت کا انکار کرکے اللہ پر ایمان لے آئے

وہ اس کی مضبوط رسّی سے متمسک ہوگیا ہے

جس کے ٹوٹنے کا امکان نہیں ہے

اور خدا سمیع بھی ہے اور علیم بھی ہے

اللہ صاحبانِ ایمان کا ولی ہے

وہ انہیں تاریکیوں سے نکال کر روشنی میں لے آتا ہے

اور کفارکے ولی طاغوت ہیں

جو انہیں روشنی سے نکال کر اندھیروں میں لے جاتے ہیں

یہی لوگ جہّنمی ہیں

اور وہاں ہمیشہ رہنے والے ہیں

اللہ گواہ ہے کہ اس کے علاوہ کوئی خدا نہیں ہے،

ملائکہ اور صاحبانِ علم گواہ ہیں۔

وہ خدا عادل ہے۔

اس کے علاوہ کوئی خدا نہیں ہے۔

وہی عزیز و حکیم ہے۔

دین اللہ کے نزدیک صرف اسلام ہے

اور اہلِ کتاب نے جو بھی جھگڑا ڈالا ہے

وہ سب علم کے آنے کے بعد،

یہ ان کی زیادتی ہے

اور جو بھی اللہ کی آیات سے انکار کرے گا

خدا بہت جلد حساب کرنے والا ہے۔

خدایا تو مالک الملک ہے،

جس کو چاہتا ہے ملک دے دیتا ہے،

جس سے چاہتا ہے ملک لے لیتا ہے،

جسے چاہتا ہے عزّت دیتا ہے

جسے چاہتا ہے ذلیل کردیتا ہے۔

سارا خیر تیرے ہاتھوں میں ہے۔

تو ہر شئے پر قادر ہے

اور رات کو دن میں

اور دن کو رات میں داخل کردیتا ہے۔

زندہ کو مردہ سے

اور مردہ کو زندہ سے نکال لیتا ہے

اور جسے چاہتا ہے بے حساب روزی عنایت فرماتا ہے۔