اے وہ پروردگار کہ جب میں نے اس سے پناہ مانگی تو پناہ دے دی۔ جو اس کی پناہ میں آیا تو اس نے اپنی پناہ میں لے لیا۔ جب مصائب کی فریاد کی تو فریاد کو پہنچ گیا۔ جب دشمن کے مقابلے میں مدد مانگی تو مدد کردی۔ جب اعانت کا مطالبہ کیا تو اس نے اعانت کردی۔ خدایا تو ہی میرا بھروسہ ہے۔ اب میرا بُرا چاہنے والے کا قلع قمع کردے، مکر کرنے والے پر مجھ کر غالب بنادے۔ اے خدا جس نے خود کہا کہ اگر اللہ تمہاری مدد کرے گا تو کوئی تم پر غالب نہیں آسکتا۔ اے وہ پروردگار جس نے نوحؑ کو ظالم قوم سے نجات دلائی اور لوطؑ کو فاسق قوم سے بچایا اور ہودؑ کو تعدی کرنے والوں سے محفوظ رکھا اور پیغمبرؐ کو کافروں سے نجات دلائی۔ اب مجھے میرے اور اپنے دشمنوں سے نجات دے دے۔ اے خدائے رحمٰن و رحیم دشمنوں کا کوئی بس نہیں ہے اس پر جو قرآن کی پناہ میں رہے یا رحمٰن کی پناہ میں رہے، رحمٰن کا غلبہ عرش الٰہی پر ہے۔ خدایا تیرا انتقام سخت ہے۔ وہ پروردگار ہی وہ ہے جو ابتدا کرنے والا ہے۔ اسی کی بارگاہ میں بازگشت ہے۔ وہ خدائے غفور و ودود ہے، صاحبِ عرشِ مجید ہے اور جو چاہے وہ کرنے والا ہے۔ اگر لوگ اس سے منہ موڑلیں تو میرے واسطے وہی خدا کافی ہے اسی پر میرا بھروسہ ہے اور وہی عرشِ عظیم کا مالک ہے۔