Khoodaya Iblees tere bandon mein se woh banda hai

jo mujhe dekh raha hai aur main use nahin dekh raha hoon

magar tu use wahaan se dekh raha hai jahaan woh bhi nahin dekhta hai.

Tu baharhaal mujh se ziyadah quwwat rakhta hai

Aur woh tere kisi amr par taaqat nahin rakhta hai,

lihaaza Khoodaya main uske muqaable mein tujh se madad chahta hoon

is liye ke mere paas uske muqaable ki taaqat nahin hai

aur uske muqaable mein koi quwwat o taaqat nahin hai siwaaye tere.

Khoodaya agar woh mere liye buraai chaahe to tu uska bura kar de,

agar mujh se makkaari kare

to uska badla de de.

Mujhe uske shar se mehfooz farma aur uske makr ko usi ki taraf paltaa de

Apni rehmat ke waseele se ya Arhamur Raahimeen

Allah! Muhammad (S.A.W.) o Aal-e-Muhammad (A.S.) par rehmat farmaaye.