Khoodaya jo ziyaa o azmat

aur noor o kibriyaai aur saltanat ka Maalik hai.

Apni azmat ki bina par tu har shaiy par ghaalib hai.

Tu ne apne bandon par

apni ra'fat o rehmat se ehsaan kiya hai

aur unhein apni razaa ka raasta bataaya hai

unke liye woh daleel qaraar di hai

jo teri hujjat ki taraf

rahnumaai kar saken.

Khoodaya Hazrat Muhammad (A.S.) bin Ali (A.S.)

Alaihimus Salaam ke waaste se,

main unhein apni haajaton ke liye muqaddam kar raha hoon.

Tu Muhammad (S.A.W.) o Aal-e-Muhammad (A.S.) par rehmat naazil farma aur mere maqaasid ko poora kar de.