Rəhman və Rəhim Allahın adı ilə.

Həmd-səna Allaha məxsusdur,

həmd-səna Onun haqqıdır, necə ki, O layiqdir;

saysız (çoxlu) həmd-sənaya;

mən öz nəfsimin şərindən Ona pənah aparıram,

çünki nəfs pis işləri əmr edər,

yalnız Rəbbim rəhm etməsə;

şeytanın şərindən Ona pənah aparıram,

o ki, günahlarımın üstünə günah artırır;

azğın zalımın (şərindən) Ona pənah aparıram,

zalım hökmdarın

və qüvvətli düşmənin.

Ey Allahım, məni Öz qoşunundan qərar ver,

çünki Sənin qoşunun qalibdir;

məni Öz dəstəndən qərar ver,

çünki Sənin dəstən nicat tapmışlardır;

məni Öz dostlarından qərar ver,

çünki Sənin dostlarının qorxusu və qəm-qüssəsi yoxdur.

Ey Allahım, dinimi islah et,

çünki dinim mənim işimi qoruyub saxlayandır;

mənim axirətimi islah et,

çünki axirət mənim qalacaq (məkanımdır),

və alçaq insanlarla bir yerdə olmaqdan oraya fərar etdiyim məkanımdır;

həyatımı yaxşı işləri artırmaq səbəbi qərar ver,

və ölümümü hər şərdən rahat olmaq (səbəbi qərar ver).

Ey Allahım, Məhəmmədə salam göndər,

peyğəmbərlərin sonuncusuna,

və elçilərin sayını tamamlayana,

onun pak və pakizə xanidanına,

və onun seçilmiş səhabələrinə;

"yəvmul-suləsa"da (çərşənbə axşamı günü) mənə üç şey bəxş et:

mənim üçün bağışlamadığın günah qoyma,

və dağıtmadığın qəm-qüssə qoyma,

və uzaq etmədiyin düşmən qoyma.

Ən yaxşı ad olan Allahın adı ilə (başlayıram),

yerin və göyün Rəbbi olan Allahın adı ilə;

əvvəlincisi Allahın qəzəbi olan hər bir xoşagəlməz işin məndən uzaq olmasını istəyirəm,

və əvvəlincisi Allahın razılığı olan hər bir bəyənilən işə sahib olmağı istəyirəm,

elə isə, mənim işimi Öz məğfirətinlə başa çatdır,

ey ehsan sahibi.