خدایا میں نے اس جمعہ میں جو بات کہی ہے

یا جو بھی قسم کھائی ہے

یا جو بھی نذر کی ہے

ان سب پر میری مشیّت حاوی ہے

تو جو بھی چاہے وہ ہوجائے گا

اور نہ چاہے گا تو وہ انجام نہیں پاسکتا ہے۔

خدایا میرے گناہوں کو معاف کردے۔

خدایا جس پر تو صلوات بھیجے اس پر میری صلوات ہے۔

اور جس پر تیری لعنت ہے اس پر میری بھی لعنت ہے۔

پروردگارا میں نے تیری بارگاہ کا ارادہ کیا ہے اپنی حاجتوں کے ساتھ

اور اپنے فقر و

فاقہ اور اپنی مسکینی سے خود کو تیرے سامنے ڈال دیا ہے

میں اپنے عمل سے زیادہ تیری مغفرت کی امید رکھتا ہوں

اور جانتا ہوں کہ تیری مغفرت اور رحمت میرے گناہوں سے زیادہ وسیع تر ہے۔

خدایا اپنی قدرتِ کاملہ سے میری تمام حاجتوں کو پورا کرنے کی ذمہ داری لے لے۔

یہ تیرے لیے بہت آسان ہے

اور میں اس کا محتاج بھی ہوں۔

مجھے کوئی خیر تیرے علاوہ کہیں سے نہیں ملا ہے

اور نہ کسی شر کو تیرے علاوہ کوئی دفع کرسکتا ہے۔

اور میں اپنی دنیا و آخرت اور غربت و تنہائی کے بارے میں تیرے علاوہ کسی سے امید نہیں رکھتا

اور نہ اس دن جس دن

مجھے لوگ قبر میں اکیلا چھوڑ جائیں گے

اور تیری بارگاہ میں آنا ہوگا تیرے علاوہ کسی سے کوئی امید نہیں رکھتا ہوں۔

اے معبود محمدؐ و آل محمدؐ پر رحمت نازل فرما اور ان کے آخر کے ظہور میں تعجیل فرما۔

میں گواہی دیتا ہوں کہ اس خدا کے علاوہ کوئی خدا نہیں ہے

اور اس کا کوئی شریک نہیں ہے

اور میں گواہی دیتا ہوں کہ حضرت محمدؐ اس کے بندہ اور رسول ہیں۔

خدایا محمدؐ و آل محمدؐ پر رحمت نازل فرما

اور مجھے توبہ کرنے والوں میں

اور پاک رہنے والوں میں قرار دے دے۔

خدا کے نام

اور اس کی ذات کے ذکر سے

اور محمدؐ و آل محمدؐ کی سیرت کے مطابق ابتدا کرتا ہوں

میں اپنے رب سے مغفرت کا طالب ہوں اور اس کے حضور توبہ کرتا ہوں۔