Parwardigaar mein tujh say sawaal karta hoon kay

tu Haleem hai, bardaasht karnay waala hai,

ma'aaf karnay waala aur muhabbat karnay waala hai,

Khudaaya meri ghalatiyon ko ma'aaf kar day

aur meri khataa'on ko apnay ehsaanaat say bakhsh day.

Mujhay woh 'atiyyay 'ataa farma jo wasee' hon

aur mujhay un 'atiyyon kay saath yeh tawfeeq day kay

mein teri itaa'at aur teray Rasool ki itaa'at kar sakoon

aur woh ma'aafi 'ataa farma kay

jis kay ba'd mein 'izzat-o-karaamat ka haqqdaar ban jaa'oon.

Khudaaya mujhay woh 'ataa farma day jis ka tu ahl hai

aur meray saath woh bartaa'o nah karna jis ka mein ahl hoon

is liye kay mein tera bandah hoon

aur koi khair teray 'ilaawah kaheen say nahin paa sakta hoon

Ay sab say ziyadah nigaah rakhnay waalay

sab say behtar sunnay waalay

sab say achchaa faislah karnay waalay

har panaah kay taalib ko panaah denay waalay

aur har muztar ki du'a qabool karnay waalay

Muhammad (S.A.W.W.)-o-Aal-e-Muhammad (S.A.W.W.) par rehmat naazil farma.