Rəhman və Rəhim Allahın adı ilə.

Ey bəxşiş (səxavət), ehtiram və ucalıq sahibi, həmd-səna Sənə məxsusdur!

Ucasan (mübarəksən)! İstədiyinə əta edər, (istədiyini) məhrum edərsən.

Ey mənim Məbudum, Yaradanım, pənah yerim və pənahım!

Dara düşəndə də (çətinlikdə də), imkanlı (asan) olanda da Səndən yapışıram (Sənə fəryad edirəm).

Ey mənim Məbudum! Əgər mənim günahlarım böyük və çoxdursa,

Sənin əfvin mənim günahımdan daha böyük və daha genişdir.

Ey mənim Məbudum! Əgər mən nəfsimin (həvayi-nəfsimin) istəyinə tabe olmuşamsa (əta etmişəmsə),

amma (bax) mən indi peşmanlıq bağında (vadisində) sərgərdanam.

Ey mənim Məbudum! Mənim halımı, ehtiyac (fəqirlik) və yoxsulluğumu görürsən,

və Sən mənim gizlin raz-niyazımı eşidirsən.

Ey mənim Məbudum! Ümidimi kəsmə və (haqq yoldan) azdırma

qəlbimi, çəünki mənim Sənin rəhmət (coud) yağışına tamahım var.

Ey mənim Məbudum! Əgər məni məyus etsən və ya qovsan,

onda mən kimə ümid bəsləyim və kimi şəfaətçi edim?

Ey mənim Məbudum! Əzabından mənə pənah ver (məni qoru), çünki mən həqiqətən,

Sənin dərgahında əyilmiş bir əsir, xar və qorxmuşam.

Ey mənim Məbudum! Dəlilimi mənə təlqin etməklə mənə həmdəm ol,

o vaxt ki, qəbir mənim üçün məskən və yataq (yeri) olacaq.

Ey mənim Məbudum! Əgər mənə min il (min dəfə) əzab versən belə,

yenə də Səndən olan ümid ipim qırılmayacaqdır (Səndən ümidimi kəsməyəcəyəm).

Ey mənim Məbudum! Əfvinin dadını mənə dadızdır o gün ki,

övladların və malın (sərvətin) orada heç bir faydası olmayacaqdır.

Ey mənim Məbudum! Əgər (Sən) mənə rəayət etməsən (tərəf baxmasan), məhv olaram (zay olaram),

və əgər Sən mənə rəayət etsən (baxsan), məhv olmaram (zay olmaram).

Ey mənim Məbudum! Əgər yalnız yaxşı əməl sahiblərini əfv edirsənsə (yaxşılardan başqasını əfv etməsən),

onda həvayi-nəfsinə itaət (tamah) edən günahkarı kim bağışlasın?

Ey mənim Məbudum! Əgər təqvaya yiyələnməkdə səhlənkarlıq etmişəmsə,

bax mən (indi) əfv və güzəştin ardınca düşür (axtarır) və onu izləyirəm.

Ey mənim Məbudum! Əgər nadanlığım ucbatından xəta etmişəmsə, amma çoxdandır ki,

Sənə ümid bəsləmişəm, hətta elə bir (ümid) ki, mənim barəmdə deyiblər: "O heç (heç vaxt) narahat olmur (qorxmur)!"

Ey mənim Məbudum! Günahlarım dağı (Dağları) da keçmiş və ucalmışdır,

Lakin Sənin mənim günahımdan keçməyin (güzəştin) daha böyük və daha ucadır.

Ey mənim Məbudum! Sənin nemətini (ehsanını) zikr etmək qəlbimin yanğısını sakitləşdirir,

səhvlərimi (xətalarımı) xatırlamaq isə gözlərimi yaşla doldurur.

Ey mənim Məbudum! Sapqınlıqlarıma (sürüşmələrimə) göz yum və günahlarımı məhv et,

çünki mən (günahlarımı) iqrar (etiraf) edir, qorxur və ah-nalə edirəm (yalvarıram).

Ey mənim Məbudum! Məni Öz tərəfindən sevinc (ruh) və asayişə (rahatlığa) çatdır,

çünki mən Sənin lütf qapılarından qeyri bir qapını döymürəm.

Ey mənim Məbudum! Əgər məni uzaqlaşdırsan və ya mənə laqeyd olsan (təhqir etsən),

ey Rəbbim, nədir mənim çarəm və (ya) mən necə edim?

Ey mənim Məbudum! Sənin məhəbbətinin həmpeymanı gecə vaxtı oyaqdır,

O raz-niyaz və dua edir, qafil insan isə yatır.

Ey mənim Məbudum! Bu məxluqatın (xalqın) bəzisi yatır,

bəzisi isə gecə oyaqdır və ah-nalə (yalvarış) edir.

Və onların hamısı Sənin bəxşişinə (nemətinə) ümid edərək,

Sənin böyük rəhmətinə ümidvardır və əbədi Cənnətə (Əbədiyyətə) tamah (göz) dikiblər.

Ey mənim Məbudum! Ümidim məni salamatlığa (salamat qalmağıma) arxayın edir,

lakin xətalarımın çirkinliyi məni rüsvay edir (qınayır).

Ey mənim Məbudum! Əgər əfv etsən, Sənin əfvin mənim xilaskarımdır (nicatıma bais olar),

yoxsa (əgər bağışlamasan) mən o həlak edici günahlar vasitəsilə əldən düşərəm (yıxılaram).

Ey mənim Məbudum! Haşimi olan Məhəmmədin haqqına xatir,

və Sənin qarşında əyilmiş pakların hörməti xatirinə!

Ey mənim Məbudum! Seçilmiş (Məhəmməd) və onun əmisi oğlu (Əli) haqqına xatir,

və Sənin qarşında təvazökar olan yaxşıların (əbrarların) hörməti xatirinə!

Ey mənim Məbudum! Məni Əhmədin (Məhəmmədin) dini üzrə dirilt (ayağa qaldır);

tövbəkar, təqvalı, itaətkar (qanit) və Sənin qarşında əyilmiş (xaze) olduğum halda.

Və məni məhrum etmə, ey mənim Məbudum və Sərvərim,

onun o böyük şəfaətindən, çünki o şəfaət edəndir (şəfaəti qəbul ediləndir).

Onlara salam göndər, nə qədər ki, müvəhhidlər Səni çağırır,

və xeyirli insanlar Sənin dərgahında rüku halında Səninlə raz-niyaz edirlər.

Ey mənim Məbudum! Sənin bəndən olmaq mənə izzət (şərafət) olaraq yetər!

Və Sənin mənim Rəbbim olmağın mənə iftixar olaraq yetər!

Sən mən istədiyim (sevdiyim) kimisən. Onda məni də Özün istədiyin (sevdiyin) kimi et!