Rəhman və Rəhim Allahın adı ilə.

Bizi keçmiş ümmətlərdən və əvvəlki dövrlərin insanlarından ayıraraq, Öz Peyğəmbəri Məhəmmədi (Allahın salamı ona və xanidanına olsun) bir nemət olaraq bizə göndərib minnət qoyan Allaha həmd olsun!

Öz qüdrəti ilə (minnət qoydu), o qüdrət ki,

heç bir şeyin qarşısında (nə qədər böyük olsa da) aciz deyil,

və heç bir şey (nə qədər kiçik olsa da) ondan yayınmır (qaçmır).

Beləliklə, xəlq etdiklərinin hamısını bizimlə xətm etdi (bizi ümmətlərin sonuncusu etdi),

və bizi haqqı inkar edənlərə (cəhd edənlərə) şahid (ümmət) qərar verdi,

və lütfkarlığı (minnəti) ilə bizi az olanların qarşısında çoxaltdı.

İlahi, Məhəmmədə salavat (salam) göndər,

Sənin vəhyinə əmanətdarına,

məxluqatından olan ən seçilmişinə (nəcibinə),

bəndələrindən olan ən pakizəsinə (səfiyyinə),

rəhmət imamına (rəhbərinə),

yaxşılıqlara dəvət edənə (aparana),

və (xeyir) bərəkət açarına (salam göndər).

Necə ki o, Sənin əmrlərin(in icrası) yolunda özünü (zəhmətə) qoydu (nişan etdi),

və Sənin yolunda bədənini əzab-əziyyətə (təhlükəyə) atdı,

və (insanları) Sənə doğru çağırarkən öz qohumları (himaları) ilə qarşı-qarşıya durdu,

və Sənin razılığın üçün öz qəbiləsi ilə vuruşdu,

və Sənin dinini dirçəltmək uğrunda qohum-əqrabası (rəhmi) ilə əlaqəni kəsdi,

ən yaxın qohumlarını (Səni) inkar etdiklərinə görə özündən uzaqlaşdırdı,

və uzaq olanları Sənin (dinini) qəbul etdiklərinə görə Özünə yaxınlaşdırdı.

Məhz Sənə xatir (Sənin yolunda) ən uzaq olanlarla dostluq (vilayət) etdi,

və Sənə xatir ən yaxınları ilə düşmənçilik etdi.

Sənin risalətini (dəvətini) çatdırmaq üçün öz (nəfsini) əritdi (yorğunluğa saldı),

və (özünü) Sənin dininə (millətinə) dəvət etməkdə zəhmətə qatlaşdırdı,

və özünü dəvətini qəbul edənlərə nəsihət (xeyirxahlıq) verməklə məşğul etdi.

Və doğulub boya-başa çatdığı, qədəm qoyduğu, yaşayıb ünsiyyət qurduğu diyardan (vətənindən), qərib bir diyara (şəhərə) və uzaq bir məkana hicrət etdi,

onun tərəfindən Sənin dinini izzətləndirmək iradəsi ilə,

və Sənə küfr edənlərə qarşı kömək istəmək (köməkçi toplamaq) məqsədilə.

Nəhayət Sənin düşmənlərin barəsindəki istəyinə nail oldu (möhkəmləndi),

və Sənin dostların barəsindəki (dinin yayılması) tədbiri sona çatdı.

Səndən kömək (fəth) istəyərək və zəifliyi üzərində Sənin köməyinlə qüvvətlənərək onlara qarşı (müharibəyə) qalxdı.

Onlarla onların öz dünyalarında (diyarlarında) vuruşdu,

və məskunlaşdıqları (qərar tapdıqları) yerlərin mərkəzində onların üzərinə yürüş (hücum) etdi. Nəhayət müşriklər üçün xoşagəlməz olsa da, Sənin əmrin zahir oldu və sözün (kəlmən) ucaldı.

İlahi, Sənin yolunda çəkdiyi zəhmətinə görə onu ən uca Cənnətinə (dərəcəsinə) yüksəlt. O qədər (ucalt) ki,

mənzilətdə (heç kim) onunla bərabər olmasın (ona çatmasın),

və mərtəbədə ona tay olmasın,

və Sənin yanında heç bir müqərrəb mələk və mürsəl (göndərilmiş) peyğəmbər onunla yanaşı (bərabər) durmasın.

Və onu Öz pak Əhli-beyti və mömin ümməti arasında gözəl şəfaət məqamı ilə tanıtdır (ona əta et), (hətta) ona vəd etdiyindən də daha üstününü (əcəllini).

Ey vədəsi haqq (həyata keçən) olan, ey əhdinə (sözünə) vəfa edən,

ey yaramazlıqları (pislikləri) artıqlaması ilə gözəlliklərə (yaxşılıqlara) çevirən (Allah)!

Həqiqətən, Sən böyük fəzl (ehsan) sahibisən!