پروردگار اس چاند کو ہمارے لیے امن و ایمان

اور سلامتی و اسلام کا چاند قرار دے دینا۔

اے چاند میرا اور تیرا دونوں کا پروردگار وہی خدائے عزّوجل ہے۔

خدایا ہمیں ماہِ رجب و شعبان کی برکت عنایت فرما

اور ہمیں ماہِ رمضان تک پہنچا دے

اور اس کے صیام

و قیام

اور اس کے زمانے میں اپنی زبان کو محفوظ رکھنے

اور نگاہوں کو نیچے رکھنے میں ہماری مدد فرما

اور ہمارا حصّہ ماہِ رمضان میں صرف بھوک و پیاس نہ ہونے پائے۔

اس کے علاوہ کوئی خدا نہیں ہے۔

خدایا محمدؐ و آل محمدؐ پر رحمت نازل فرما

خدایا میں تجھ سے درخواست کرتا ہوں کہ تو بادشاہ ہے

اور تو ہر شئے پر قدرت رکھتا ہے

اور جو کام چاہتا ہے وہ ہوجاتا ہے۔

میں تیری طرف متوجہ ہوں

تیرے نبیِ رحمت حضرت محمدؐ کے واسطہ سے۔

اے محمدؐ!

اے رسولِ خداؐ!

میں آپ کے ذریعہ اس خدا کی طرف متوجہ ہوں جو میرا اور آپ کا دونوں کا پروردگار ہے

تاکہ آپ کے وسیلہ سے میری حاجتوں کو پورا کردے۔

خدایا میں تیرے نبی حضرت محمدؐ

اور ان کے اہل بیتؑ کے ائمہؑ کے واسطہ

سے تجھ سے سوال کرتا ہوں کہ

ان کے واسطہ سے میری حاجتوں کو پورا فرما دے۔

پروردگار اگر میں تیری اطاعت کروں تو تیرا شکر ہے

اور اگر میں معصیت کروں تو تیری حجّت مجھ پر تمام ہے۔

میرے لیے میرے غیر کے پاس کوئی نیکی نہیں ہے مگر وہ سب تیرا ہی عطیہ ہے۔

اے وہ جو سب سے پہلے تھا

اور ہر شئے کا موجد ہے۔

تو ہی ہر شئے پر قادر ہے۔

خدایا میں تیری پناہ چاہتا ہوں وقتِ موت انحراف سے

اور قبر میں بدترین بازگشت سے

اور روزِ قیامت کی شرمندگی سے،

میرا سوال ہے کہ محمدؐ و آل محمدؐ پر رحمت نازل فرما۔

میری زندگی کو پاکیزہ زندگی اور موت کو معتدل موت

اور میری واپسی کو

باکرامت واپسی قرار دے دے

جس میں نہ کوئی ذلّت ہو اور نہ کوئی رسوائی۔

خدایا محمدؐ و آل محمدؐ پر رحمت نازل فرما

جو ائمہؑ ہیں۔ حکمت کے سرچشمے،

اور اولیاء نعمت ہیں،

اور عصمت کے معدن ہیں۔

ان کے ذریعہ مجھے ہر برائی سے محفوظ رکھنا

اور مجھے میری غفلت کی حالت میں اپنی گرفت میں نہ لے لینا اور نہ میرے تغافل میں مجھے پکڑ لینا۔

میرے اعمال کا انجام حسرت نہ ہونے پائے

اور تو ہم سے راضی ہوجا کہ

تیری مغفرت اپنے اوپر ظلم کرنے والوں کے لیے ہی ہے اور میں انھیں میں سے ہوں۔

خدایا میرے گناہ کو معاف کردے کہ اس سے تیرا کوئی نقصان نہیں ہے

اور مجھے وہ سب کچھ عطا فرمادے

جس سے تیرے خزانے میں کوئی کمی ہونے والی نہیں ہے کہ

تیری رحمت وسیع اور تیری حکمت نرالی ہے۔

مجھے وسعت ، راحت،

امن، صحت،

خضوع، قناعت،

شکر، عافیت، تقویٰ،

صبر اور صداقت کی توفیق عطا فرما اور اپنے اور اپنے اولیاء کے بارے میں

سہولت اور شکر عطا فرما

اور میری دعا میں شامل کرلے میرے تمام اہل و اولاد،

برادرانِ ایمان

اور جن سے میں محبّت کرتا ہوں اور جو مجھ سے محبّت کرتے ہیں

اور جو میری اولاد میں ہیں یا میرے آباء و اجداد میں

مسلمین و مومنین ہیں ان سب کو میری دعا میں شامل کرلے

اے رب العالمین۔

ساری حمد اس خدا کے لیے ہے جس کے خزانے ختم نہیں ہوتے ہیں

اور اس کا محفوظ کیا ہوا خوف زدہ نہیں ہوتا ہے۔

خدایا اگر میں نے گناہ کیا ہے

تو صرف اس لیے کہ مجھے تیرے کرم پر اعتماد تھا کہ

تو توبہ قبول کرلیتا ہے

اور برائیوں کو معاف کردیتا ہے

لغزشوں سے درگذر کرتا ہے

اور اپنے دعا کرنے والوں کی سنتا ہے

اور ان سے قریب تر ہے

اور میں تیری بارگاہ میں اپنی خطاؤں سے توبہ کررہا ہوں

اور تیری ہی طرف متوجہ ہوں کہ اپنے عطایا میں سے میرے حصّہ کو زیادہ کردے

اے مخلوقات کے پیدا کرنے والے ،

اے ہر مصیبت سے نکال لینے والے۔

ہر برائی سے پناہ دینے والے۔

میرے سرور میں اضافہ کردے

اور مجھے قبر کے بدترین نتائج سے محفوظ فرما دینا کہ

تو اللہ ہے اور ساری نعمتیں تیری ہی ہیں۔ سارے عطایا پر تیرا ہی شکریہ ادا کیا جاتا ہے

اور ہر خیر کے لیے تجھ ہی کو ذخیرہ سمجھا جاتا ہے۔