خدایا تو معبود قدیم ہے

اور یہ سال جدید ہے

لہٰذا میں تجھ سے سوال کرتا ہوں اس میں شیطان سے حفاظت کا

اور اس نفس پر قوّت کا جو برائی کا حکم دینے والا ہے

اور اس کام میں مشغول رہنے کا جو مجھ کو تجھ سے قریب تر کردے، اے کریم

اے جلالت اور اکرام والے،

اے سہارے اس کے جس کا کوئی سہارا نہیں ہے

اور اس کا ذخیرہ جس کا کوئی ذخیرہ نہیں ہے۔

اس کی پناہ جس کی کوئی پناہ نہیں ہے

اور اس کے فریادرس جس کے لیے کوئی فریاد رس نہیں ہے۔

اے اس کی سند جس کی کوئی سند نہیں ہے

اور اس کا خزانہ جس کا کوئی خزانہ نہیں ہے

اے بہترین آزمائش والے،

اے عظیم امید،

اے کمزوروں کی عزّت،

اے ڈوبنے والے کو بچانے والے،

اے ہلاک ہونے والے کو نجات دینے والے،

اے نعمت دینے والے،

اے نیک برتاؤ والے، اے احسان والے،

تو ہی وہ ہے جس کو رات کی تاریکی، دن کی روشنی،

چاند کی چمک، سورج کی شعاع،

پانی کی حرکت اور درخت کی سرسراہٹ نے سجدہ کیا ہے۔

اے خدا تیرا کوئی شریک نہیں ہے۔

خدایا ہم کو اس سے بہتر قرار دے دے جیسا لوگ خیال کرتے ہیں

اور ہمارے ان گناہوں کو بخش دے جن کو لوگ نہیں جانتے ہیں

اور ہم سے مواخذہ نہ کر اس کا جو لوگ کہتے ہیں۔

اللہ میرے لیے کافی ہے۔ خدا نہیں ہے اس کے علاوہ۔

اسی پر میں نے توکّل کیا ہے اور وہی عرشِ عظیم کا پروردگار ہے۔

ہم اس پر ایمان لائے اور ہر امر ہمارے پروردگار ہی کی طرف سے ہے

اور اسے سوائے عقل والوں کے کوئی سمجھ نہیں سکتا ہے۔

خدایا ہمارے دلوں کو ہدایت کے بعد ٹیڑھا نہ بننے دینا

اور ہمیں اپنی بارگاہ سے رحمت عطا فرما کہ تو ہی رحمت عطا کرنے والا ہے۔