اَللّٰهُمَّ عَرِّفْنِيْ نَفْسَكَ، فَاِنَّكَ اِنْ لَمْ تُعَرِّفْنِيْ نَفْسَكَ لَمْ اَعْرِفْكَ رَسُوْلَكَ۔ اَللّٰهُمَّ عَرِّفْنِيْ رَسُوْلَكَ، فَاِنَّكَ اِنْ لَمْ تُعَرِّفْنِيْ رَسُوْلَكَ لَمْ اَعْرِفْ حُجَّتَكَ۔ اَللّٰهُمَّ عَرِّفْنِيْ حُجَّتَكَ، فَاِنَّكَ اِنْ لَمْ تُعَرِّفْنِيْ حُجَّتَكَ ضَلَلْتُ عَنْ دِيْنِيْۤ، اَللّٰهُمَّ لَاتُمِتْنِيْ مَيْتَةً جَاهِلِيَّةً، وَلَا تُزِ غْ قَلْبِيْ بَعْدَ اِذْ هَدَيْتَنِيْۤ، اَللّٰهُمَّ فَكَمَا هَدَيْتَنِيْ لِوِلَايَةِ مَنْ فَرَضْتَ عَلَيَّ طَاعَتَهُ مِنْ وِلَايَۃِ وُلَاةِ اَمْرِكَ بَعْدَ رَسُوْلِكَ صَلَوَاتُكَ عَلَيْهِ وَاٰلِهِ، حَتّٰى وَالَيْتُ وُلَاةَ اَمْرِكَ اَمِيْرَالْمُؤْمِنِيْنَ عَلِيَّ بْنَ اَبِيْ طَالِبٍ، وَالْحَسَنَ وَالْحُسَيْنَ وَعَلِيًّا وَمُحَمَّدًا وَجَعْفَرًا وَمُوْسٰى وَعَلِيًّا وَمُحَمَّدًا وَعَلِيًّا وَالْحَسَنَ وَالْحُجَّةَ الْقَاۤئِمَ الْمَهْدِيَّ صَلَوَاتُكَ عَلَيْهِمْ اَجْمَعِيْنَ۔ اَللّٰهُمَّ فَثَبِّتْنِيْ عَلٰى دِيْنِكَ، وَاسْتَعْمِلْنِيْ بِطَاعَتِكَ، وَلَيِّنْ قَلْبِيْ لِوَلِيِّ اَمْرِكَ، وَعَافِنِيْ مِمَّا امْتَحَنْتَ بِهِ خَلْقَكَ، وَثَبِّتْنِيْ عَلٰى طَاعَةِ وَلِيِّ اَمْرِكَ الَّذِيْ سَتَرْتَهُ عَنْ خَلْقِكَ، وَبِاِذْنِكَ غَابَ عَنْ بَرِيَّتِكَ، وَاَمْرَكَ يَنْتَظِرُ، وَاَنْتَ الْعَالِمُ غَيْرُ الْمُعَلَّمٍ بِالْوَقْتِ الَّذِيْ فِيْهِ صَلَاحُ اَمْرِ وَلِيِّكَ، فِيْ الْاِذْنِ لَهُ بِاِظْهَارِ اَمْرِهِ وَكَشْفِ سِتْرِّهِ، فَصَبِّرْنِيْ عَلٰى ذٰلِكَ، حَتّٰى لَاۤ اُحِبَّ تَعْجِيْلَ مَاۤ اَخَّرْتَ، وَلَا تَاْخِيْرَ مَا عَجَّلْتَ، وَلَا كَشْفَ مَا سَتَرْتَ، وَلَا اَبْحَثَ عَمَّا كَتَمْتَ، وَلَاۤ اُنَازِعَكَ فِيْ تَدْبِيْرِكَ، وَلَاۤ اَقُوْلَ لِمَ وَكَيْفَ وَمَا بَالُ وَلِيِّ الْاَمْرِ لَايَظْهَرُ وَقَدِ امْتَلَاَتِ الْاَرْضُ مِنَ الْجَوْرِ، وَاُفَوِّضُ اُمُوْرِيْ كُلَّهَاۤ اِلَيْكَ، اَللّٰهُمَّ اِنِّيْۤ
Ey Allahım, Özünü mənə tanıtdır, çünki əgər Özünü mənə tanıtdırmasan, Sənin elçini tanımayacağam. Ey Allahım, Öz elçini mənə tanıtdır, çünki əgər Öz elçini mənə tanıtdırmasan, Sənin hüccətini tanımayacağam. Ey Allahım, Öz hücətini mənə tanıtdır, çünki əgər Öz hüccətinin mənə tanıtdırmasan, dinimdən azacağam. Ey Allahım, məni cahiliyyət ölümündə öldürmə və məni hidayət etdikdən sonra qəlbimi (haqq yoldan) azdırma. Ey Allahım, necə ki, itaətini mənə vacib etdiyin kəslərin imamlığına məni hidayət etmisən – o kəslər ki, Sənin elçindən – Sənin salamın olsun ona və xanidanına – sonra Sənin xəlifələrindir – mən də Sənin xəlifələrin olan Əmirəl-möminin, Həsən və Hüseyn, Əli, Məhəmməd, Cəfər, Musa, Əli, Məhəmməd, Əli, Həsən və Hüccətul-Qaimul-Məhdi ilə əhd-peyman bağlamışam, Sənin salamın olsun onların hamısına. Ey Allahım, məni Öz dinində sabitqədəm et, məni Öz itaətində et, qəlbimi Öz vəlinin (itaətinə) yumşalt, məxluqatını sınağa çəkdiyin işlərdən məni azad et; məni Sənin vəlinin itaətində sabitqədəm et: o kəs ki, onu məxluqatından gizlətmisən, Sənin izninlə yaradılmışlardan qayibdir və Sənin əmrini gözləyir; Sən o alimsən ki, kimsə Sənin vəlinin fərəcinin vaxtını - zühur üçün ona icazə verməyini və onun qeyb sirrinin aşkar olmasını - Sənə xəbər verməmişdir. Elə isə, məni bu işə səbirli et, ta ki, təxirə saldığın işin tezləşməsini və tezləşdirdiyin işin təxirə salınmasını, gizlətdiyin şeyin aşkar olmasını və məxfi etdiyin şeyin axtarışını, tədbirinə qarşı çıxmağı və onun barəsində "niyə? necə?" deməyi, vəlinin zühur etməməsinin səbəbini öyrənməyi istəməyim; bir halda ki, yer üzü zülmlə dolmuşdur və mən bütün işlərimi Sənə tapşırıram. Ey Allahım, Səndən istəyirəm ki, Öz vəlini zühur etdiyi və əmri keçərli olduğu bir halda mənə göstərəsən; baxmayaraq ki, hökmranlığın, qüdrətin, dəlil və bürhanın, iradə və güc-qüvvənin Sənə məxsus olduğunu bilirəm. Elə isə, bütün bunları mənim və bütün möminlər üçün həyata keçirt, ta ki, Sənin vəlini – salamın olsun ona – görək; bir halda ki, o, aydın söz və aşkar hidayət sahibi, azğınlıqdan hidayət edən və cəhalətdən nicat verən olsun. Ey Rəbbim, onu görməyi mənə nəsib et, (hökumətinin) dayaqlarını möhkəm et, bizi onu görməklə gözləri aydın olanlardan qərar ver, bizi onun xidmətində et, bizi onun dinində öldür və onun dəstəsində məhşur et. Ey Allahım, ona xəlq etdiyin, yaratdığın və vücuda gətirdiyin, böyütdüyün və surət bəxş etdiyin hər şeyin şərindən pənah ver. Onu öndən və arxadan, sağdan və soldan, yuxarıdan və aşağıdan mühafizə et. Elə bir mühafizə ilə ki, hər kim onunla mühafizə olunarsa, aradan getməz. Onu qorumaqla Öz elçinin – ona və xanidanına salam olsun - və onun canişininin (irsini) qoru. Ey Allahım, onun ömrünü uzun et, ömrünü artır, onun öhdəsinə qoyduğun və yerinə yetirməsini istədiyin işlərdə ona kömək et, lütf və kərəmini onun barəsində artır, çünki o, hidayət edən, hidayət olunmuş, qiyam edən, yol göstərən, pakizə, təqvalı, xalis, pak, razı, bəyənilən, şükür edən və səy edəndir. Ey Allahım, qeyb dövrünün uzandığına və əlaqəsinin bizimlə kəsildiyinə görə (onun zühuruna olan) yəqinliyimizi bizdən alma; onu yad etməyi, onun intizarını çəkməyi, ona imanı, onun zühuruna olan yəqinliyi möhkəmləndirməyi, onun üçün dua etməyi və ona salam göndərməyi bizim yadımızdan çıxarma; ta ki, qeyb dövrünün uzun çəkməsi onun qiyam edəcəyinə olan ümidimizi kəsməsin, onun qiyam edəcəyinə olan yəqinliyimiz Sənin elçinin – salamın olsun ona və xanidanına -, vəhyinin və Quranının qiyamına olan yəqinlik qədər olsun; elə isə, ona olan iman xüsusunda bizim qəlbimizi qüvvətləndir, ta ki, bizi onun əli ilə hidayət yoluna, ən əsas və doğru yola salasan; ona itaətdə bizə güc-qüvvə ver və onun davamçısı olmaqda bizi sabitqədəm et; bizi onun, onun köməkçilərinin və yavərlərinin, onun əməlinə razı qalanların dəstəsində qərar ver; bunu həyatımız boyunca və öldükdən sonra bizdən alma, ta bizi elə buna inandığımız bir halda öldürəsən, şəkk-şübhə edən, əhd-peymanını pozan və təkzib edən bir halda deyil. Ey Allahım, onun fərəcini tezləşdir, Öz köməyinlə onu qüvvətləndir, onun köməkçilərinə kömək et və müxaliflərini xar et, onunla düşmənçilik edən və onu təkzib edənləri məhv et, onun əli ilə haqqı aşkar və zülmü məhv et, onun vəsitəsilə möminləri zillətdən qurtar, şəhərləri dirilt, küfr tüğyankarlarını qətlə yetir, azğınlıq başçılarını əz, zalımları və kafirləri xar et; onun vasitəsilə münafiqləri və əhd-peymanını pozanları, yerin şərqində və qərbində, quruda və dəryada, dərədə və dağda olan bütün müxalifləri və dinsizləri həlak et, ta ki, onlardan birini belə sağ qoymayasan, izlərinin kökünü kəsəsən, şəhərlərini onlardan təmizləyəsən, bəndələrinin qəlbinə şəfa verəsən, dininin aradan qaldırılan hökmlərini yenidən bərpa edəsən, dəyişdirilən əmrlərini və sünnələrini islah edəsən; ta ki, onun vasitəsilə və onun əli ilə dinini yeni və düzgün edəsən, belə ki, onda heç bir əyrilik və bidət olmasın; ta ki, onun ədaləti ilə kafirlərin odunu söndürəsən, çünki o, Sənin elə bir bəndəndir ki, onu Özün üçün xalis etmisən, dininə kömək üçün seçmisən, elminlə onu seçmisən, onu günahlardan məsum və eyiblərdən uzaq etmisən, gizli işləri ona agah etmisən, ona nemət vermisən, onu hər bir çirkinlikdən pak və pakizə etmisən. Ey Allahım, ona, pak imamlar olan atalarına və seçilmiş şiələrinə salam göndər; onları ən uca arzularına çatdır; bunu mənim tərəfimdən hər bir şəkk-şübhədən, riyadan və şöhrətpərəstlikdən xalis qərar ver, ta ki, bunun vasitəsilə Səndən qeyrisini istəməyək və Səndən qeyrisini axtarmayaq. Ey Allahım, Sənə şikayət edirəm Peyğəmbərimizin aramızda olmamasından, İmamımızın qeybdə olmasından, dövranın çətin olmasından, bizə qarşı fitnələrin baş verməsindən, düşmənlərin bizim əleyhimizə əlbir olmasından, düşmənlərin sayının çoxluğundan və bizim sayımızın azlığından. Ey Allahım, tez bir zamanda baş verəcək qələbə, Sənin hərtərəfli himayən və zahir edəcəyin İmam vasitəsilə bu çətinlikləri bizdən uzaqlaşdır, ey haqq Məbud və aləmlərin Rəbbi. Ey Allahım, Səndən istəyirəm ki, Öz vəlinə bəndələrin arasında ədaləti icra etməsinə və bütün məmləkətlərdə Sənin düşmənlərini qətlə yetirməsinə icazə verəsən; ta ki, ey Rəbbim, zülm və sitəmin dirəklərini uçurdasan, qalıqlarını məhv edəsən, gücünü aradan aparasan, onun bünövrəsini çökdürəsən, qılıncını kütləşdirəsən, silahlarını işdən salasan, bayrağını yerə endirəsən, şücaətlilərini öldürəsən, əsgərlərini xar edəsən. Ey Rəbbim, onları nişanələnmiş daşlarla daşqalaq et; sivrilmiş qılıncla və günahkarlardan uzaqlaşdırılmayan cəza ilə onları cəzalandırasan; Öz düşmənlərinə, Sənin vəlinin və elçinin – salamın olsun ona və xanidanına – düşmənlərinə Öz vəlinin və imanlı bəndələrinin əli ilə əzab ver. Ey Allahım, vəlini və yer üzündəki hüccətini düşmənin qorxusundan və məkirlilərin məkrindən qoru; kim ona qarşı hiylə işlədərsə, onu öz hiyləsinə düçar et və hər kəs ona qarşı pis niyyətdə olarsa, onu acı hadisələrlə üzləşdir; onların şərini İmamdan uzaq et və İmamın qorxusunu onların qəlbində yarat, onların ayaqlarını əsdir, onları aşkar və qəfil çətinliklərə düçar et, əzabını onlara ağır et, bəndələrin arasında onları rüsvay et, məmləkətlərində onları lənətə düçar et, onları Cəhənnəmin ən aşağı mərtəbəsində yerləşdir, ən şiddətli əzabını onlara nazil et, onları odda qərar ver, onların ölülərinin qəbrini odla doldur, onları şölələnən odda qərar ver; çünki onlar yollarını azdılar, namazı zay etdilər, şəhvətlərin ardınca getdilər, Sənin bəndələrini azdırdılar və şəhərləri xaraba qoydular. Ey Allahım, Öz vəlinin vasitəsilə Quranı yaşat və onun nurunu heç vaxt sönmədən bizə göstər, onun vasitəsilə ölü qəlbləri dirilt və (düşmənlərə qarşı) kin ilə dolu qəlblərə şəfa ver, onun vasitəsilə müxtəlif dəstələri haqqın ətrafında bir yerə cəm et, onun vasitəsilə icra olunmayan ilahi hədləri və yerinə yetirilməyən ilahi ehkamları bərpa et, ta ki, haqq zahir olsun və ədalət çiçəklənsin. Ey Rəbbim, bizi onun köməkçilərindən, onun səltənətini qüvvətləndirənlərdən, onun əmrlərinə itaət edənlərdən, onun işindən razı qalanlardan və hökmlərinə təslim olanlardan qərar ver; bizi insanlardan təqiyyə etməyə ehtiyacı olmayanlardan qərar ver; Sən o Rəbbsən ki, çətinlikləri aradan qaldırırsan, çətinliyə düşən şəxs Səni çağırdıqda cavab verirsən, böyük çətinliklərdən qurtarırsın, elə isə, Öz vəlinin çətinliklərini aradan qaldır və onu yer üzündə Öz xəlifən qərar ver. Ey Allahım, məni Ali-Məhəmmədə - salam olsun onlara - ədavət bəsləyənlərdən qərar vermə, məni Ali-Məhəmmədin – salam olsun onlara – düşmənlərindən qərar vermə, məni Ali-Məhəmmədə - salam olsun onlara – qəzəb edənlərdən qərar vermə. Həqiqətən mən bütün bunlardan Sənə pənah gətirirəm, elə isə, mənə pənah ver. Mən bütün bunlardan Sənə sığınıram, elə isə, mənə sığınacaq ver. Ey Allahım, Məhəmmədə və Ali-Məhəmmədə salam göndər, onların vasitəsilə Öz dərgahında dünya və axirətdə məni nicat tapmışlardan, müqərrəblərdən qərar ver. Duamı qəbul et, ey aləmlərin Rəbbi!
