دعائے جوشن کبیر

(یہ دعا بلدالامین اور مصباح کفعمیؒ میں نقل کی گئی ہے اور اس کی روایت امام زین العابدین علیہ السلام سے ان کے پدر بذرگوار کے حوالہ سے پیغمبر اسلامؐ سے کی گئی ہے کہ اس دعا کو جبرئیل امین کسی جنگ کے موقعہ پر پیغمبر اسلامؐ کی خدمت میں لائے تھے جب آپ کے جسم پر ایک وزنی زرہ تھی جس سے آپ خستہ حال ہو رہے تھے تو جبرئیل نے عرض کیا کہ پیغمبر! پروردگار آپ کو سلام کہلواتا ہے اور فرماتا ہے کہ اس جوشن کو اتار دیں اور اس دعا کو پڑھیں جو آپ کے لئے اور آپ کی امّت کے لئے امن وامان کا وسیلہ ہے۔اس کے بعد ان حضرت نے اس دعا کے بے شمار فضائل نقل کئے ہیں جن کے نقل کرنے کا یہ موقعہ نہیں ہے۔ ان میں سے ایک فضیلت یہ بھی ہے کہ اگر کوئی شخص دعا کو اپنے کفن پر لکھ لے تو پروردگار فرماتا ہے کہ مجھے اس بندہ پر عذاب کرتے ہوئے حیا آتی ہے اور جو شخص بھی اس دعا کو خلوص کے ساتھ ماہ رمضان کی پہلی رات میں پڑھ لےپروردگار اسے شب قدر کی توفیق عنایت کرتا ہے اور اس کے لئے ستّر ہزار فرشتے خلق کرتا ہے جو اس کی طرف سے تسبیح و تقدیس کرتے رہتے ہیں اور اسے ثواب ملتا رہتا ہے۔ یہاں تک کہ روایت میں یہ بھی ہے اگر کوئی شخص ماہ رمضان میں اسے تین مرتبہ پڑھ لے تو پروردگار اس کے جسم کو جہنم پر حرام کر دیتا ہے اور جنت اس کے لئے لازم قرار دے دیتا ہے اور دو ملک معین کر دیتا ہے جواسے زندگی بھر گناہوں سے بچاتے رہیں اور امن و امان میں رکھے۔آخر روایت میں ہے کہ اما م حسینؑ نے فرمایا کہ مجھ سے میرے پدر بذرگوار نے اس دعا کو حفظ کرنے کی وصیت فرمائی ہے اور فرمایا ہے کہ اسے کفن پر لکھا جائے اور اپنے اہل و عیال کو اس کی تعلیم دی جائے اور اس کے پڑھنے کی ترغیب دلائی جائے۔ اس دعا میں پروردگار کے ہزار نام ہیں جن میں اسم اعظم بھی ہے۔

مؤلف: ان دونوں روایتوں سے دو باتوں کا استفادہ ہوتا ہے۔(۱) اس دعا کا کفن پر لکھنا مستحب ہے جیسا کہ علامہ بحر العلوم نے اپنی کتاب دُرّہ میں اس کی طرف اشارہ فرمایا ہے۔)

(۲)اوّل ماہ رمضان میں اس دعا کو پڑھنا مستحب ہے شبہائے قدر میں بالخصوص اس دعا کے پڑھنے کا اس روایت میں کوئی ذکر نہیں ہے لیکن علامہ مجلسیؒ نے زادلمعاد میں شب قدر کے اعمال میں تحریر فرمایا ہے کہ بعض روایات سے معلوم ہوتا ہے کہ تینوں شبہائے قدر میں اس دعا کو پڑھنا چاہئے اور ظاہر ہے کہ ان کا فرما دینا ہی بہت کافی ہے کہ ان کا مطالعہ بے حد وسیع تھا۔

بہرحال اس دعا میں سو فصلیں ہیں اورہر فصل میں دس اسمائے الٰہیہ ہے اور ہر فصل کے آخر میں یہ فقرہ پڑھے)

کہ کفن پر شہادت

اسلام و ایمان اور

قرآن اور جوشن کا لکھنا مستحب ہے

جس کی صفت یہ ہے کہ باعث امن و امان ہے۔

دعائے جوشن کبیر