Ey bəlalar zamanı qüvvə və ehtiyatım,

ey çətinlikdə munisim,

ey malik olduğum nemətlərin sahibi,

ey arzularımın sonu!

İlahi, Sən eyiblərimi örtən,

qorxumu asayişə çevirən,

günahlarımı bağışlayansan,

xətalarımı bağışla!

İlahi, Səndən imanla ah-nalə etməyi diləyirəm

cəhənnəm oduna görə xar və zəlilliklə ah-nalə etməkdən öncə.

Ey tək və yeganə olan, ey ehtiyacsız,

ey doğmayan, doğulmayan

və heç bir tayı-bərabəri olmayan,

ey istəyənə əta edən

rəhmət və mehribanlıqla,

istəməyənlərə də xeyir bəxş edən

Öz fəzilət və kərəmindən!

Sənə and verirəm daimi kərəmini,

Mühəmməd və Mühəmmədin Əhli-beytinə salam yetir,

mənə geniş və əhatəli rəhmətini nəsib et

onun vasitəsilə dünya və axirət xeyrini əldə edə biləcəyim!

İlahi, Səndən tövbə ilə bağışlanmaq dilədikdən sonra bir daha mürtəkib olduğum günahımı bağışlamağını diləyirəm,

və Sənin üçün yaxşı bir əməli yerinə yetirmək istədikdə

nəfsimin dəxalət edərək Səni razılığından başqasına yönəltdiyi günahımı bağışlamağını diləyirəm!

İlahi, Mühəmməd və Mühəmmədin Əhli-beytinə salam yetir,

zülm və günahlarımdan keç

bəxşiş, ehsan və həlimliyinə xatir, ey kərim olan,

hacət istəyənləri məhrum etməyən

və onlardan nemətlərini kəsməyən!

Ey Ondan başqa üstün məqamlı birinin olmadığı

və ey Ondan başqa kimsənin yaxın olmadığı kəs!

Mühəmməd və Mühəmmədin Əhli-beytinə salam yetir,

mənə rəhm et!

ey dəryanı Musa üçün yaran,

bu gecə, bu gecə, bu gecə,

bu saatda, bu saatda, bu saatda.

İlahi, qəlbimi nifaqdan pak et,

əməlimi riyakarlıqdan,

dilimi yalandan,

gözlərimi xəyanətdən.

Şübhəsiz, Sən gözlərin xəyanəti və qəlblərdə olanlardan agahsan!

Ey Rəbbim, bu, cəhənnəm odundan Sənə sığınan bəndənin halıdır,

bu cəhənnəm odundan pənah axtaranın halıdır,

fəryadına yetişməyini istəyənin halıdır,

bu oddan qaçıb Sənə doğru qayıdanın halıdır,

xətalarından Sənə yönələn,

günahlarını etiraf edən

tövbə ilə Rəbbinə üz tutan bəndənin halıdır,

bu ümidsiz fəqirin halıdır,

qorxduğu halda pənah axtaranın halıdır,

hüznlü və kədərli olanın halıdır,

qəmli və qüssəli olanın halıdır,

nemət dəryanda qərq olan qəribin halıdır,

kimsəsiz və qorxuda olanın halıdır,

Səndən başqa günahlarını bağışlayacaq biri olmayanın halıdır,

zəifliyini qüvvətləndirəcək Səndən başqa kimsəsi olmayanın halıdır,

kədərini aradan aparacaq Səndən başqa kimsəsi olmayanın halıdır.

Ey Allah, ey kərim olan,

Sənə səcdə etdikdən və üzümü torpağa sürtdükdən sonra simamı cəhənnəm atəşində yandırma!

Sənə heç bir minnət qoymadan,

Əslində həmd və sitayiş yalnız Sənə məxsusdur və Sən fəzl və minnət sahibisən!

rəhm et ey Rəbbim, ey Rəbbim, ey Rəbbim,

zəifliyimə,

çarəsizliyimə,

dərimin zərifliyinə,

əsəb sistemimin dağılmasına,

ətim, cisim və bədənimin parçalanıb məhv olmasına,

qəbrimdəki tənhalığıma və vəhşətimə,

və kiçik bəlalar müqabilində ah-nalə etməyimə.

Ey Rəbbim, Səndən gözaydınlığı və şadlıq diləyirəm

həsrət və peşmançılıq günü,

Üzlər qaralan günü Səndən üzümün parlaq olmasını istəyirəm,

qiyamətin böyük sıxıntısından mənə aman ver!

Qəlb və gözlərin haldan-hala düşəcəyi gün Səndən bəşarət və müjdə diləyirəm!

və dünyadan ayrılacağımız gün.

Həmd-səna həyatda olduğum və kömək istədiyim halda ümid bəslədiyim Allaha məxsusdur,

və ehtiyac və çarəsizlik günü ehtiyatına ümid etdiyim!

Həmd olsun o Allaha ki, yalnız Onu çağırıram və başqasını çağırmıram,

başqasından istəsəm məni naümid qaytarar.

Həmd olsun o Allaha ki, yalnız Ona ümid edirəm və başqasına ümid etmirəm,

digərlərinə ümid etsəm, məni naümid edər.

Həmd olsun nemət və ehsan sahibi,

xeyirxahlıq və fəzilət sahibi,

əzəmət və kəramət sahibi Allaha,

bütün nemətlərin maliki,

bütün xeyirlərin sahibi,

məqsədlərin sonu olan

və arzuları həyata keçirən!

İlahi, Məhəmməd və Məhəmmədin Əhli-beytinə salam yetir,

Sənə yəqin etmək və xoş güman olmağı mənə nəsib et,

Sənə ümid etməyi qəlbimdə sabitləşdir,

Səndən başqasından ümidimi üz,

Səndən başqasına ümid və etimad etməyəcək qədər.

ey istədiyi kəsə lütf edən!

Bütün hallarda razı olduqların və mənim üçün bəyəndiklərinlə mənə mərhəmət et!

Ey Rəbbim, mən atəşə tab gətirməkdə zəifəm! Elə isə, məni odla cəzalandırma!

Ey Rəbbim, dualarımı qəbul et, ah-naləmə rəhm et,

qorxu, zillət və xarlığıma rəhm et,

mənə pənah ver və fəryadıma yet!

Ey Rəbbim, həqiqətən, mən dünyəvi hacətləri əldə etməkdə zəifəm,

Sənin isə ehsan və kərəmin genişdir!

Ey Rəbbim, Sənin bunlara gücünün çatdığına xatir Səndən istəyirəm,

və qüdrətinin çatdığına,

zatən ehtiyacsız olduğuna,

və mənim onlara ehtiyaclı olduğuma xatir,

mənə bu ildə ruzi nəsib etməyini diləyirəm,

bu ayda,

bu gündə,

və bu saatda,

camaata verdiklərin nemətlərdən ehtiyacsız olacağım və onlara göz dikməyəcəyim ruzi,

Öz pak və halal ruzindən!

Ey Rəbbim, yalnız Səndən istəyir,

Sənə rəğbət göstərir

və Sənə ümid bəsləyirəm.

Sən bunlara layiqsən.

Səndən başqasına ümid bəsləmir

və etimad etmirəm,

ey mehribanların ən mehribanı!

Ey Rəbbim, mən özümə zülm edənlərdənəm,

məni bağışla, rəhm et və mənə sağlamlıq ver,

ey bütün səsləri eşidən,

ey əldən çıxan şeyləri bir yerə toplayan,

ey məxluqatı öldükdən sonra dirildən!

Ey aləmdəki zülmət və qaranlığın Onun görməsinə mane olmayan,

məxluqatın səsini bir-birindən ayırd edərək eşidən,

bir işlə məşğul olmaq onu digər bir işdən yayındırmayan!

Mühəmmədə salam olsun ona və onun Əhli-beytinə Səndən istənilənlərin ən üstününü bəxş et,

indiyə qədər onun üçün istənilənlərin ən üstününü,

və qiyamətə qədər Səndən onun üçün istəniləcək hacətlərin ən üstününü!

Mənə həyatımı yaxşılaşdıracaq sağlamlıq bəxş et,

və günahların zərər vura bilməyəcəyi gözəl aqibət nəsib et!

İlahi, başqalarından bir şey istəməmək qədər mənə qismət etdiklərinə razı olmağı əta et!

İlahi, Mühəmməd və Mühəmmədin Əhli-beytinə salam yetir,

rəhmət xəzinələrinin qapısını mənim üçün aç,

mənə dünya və axirətdə sonradan onun vasitəsilə heç zaman cəzalandırmayacağın rəhmət nəsib et,

geniş rəhmətin sayəsində bizə halal və pak ruzi ver,

bundan sonra Səndən başqasından bir şey istəməyəcək qədər,

onun şükrünü yerinə yetirməyi artır,

yalnız Səndən hacət istəməyi,

və digərlərindən ehtiyacsız olmağı bizə əta et!

Ey ehsan edən, ey nemət verən,

ey xeyirxahlıq edən, ey üstünlük verən,

ey mülk və qüdrət sahibi,

Mühəmməd və Mühəmmədin Əhli-beytinə salam yetir,

bütün mühüm işlərdə bizə yardımçı ol,

bizə gözəl aqibət nəsib et,

bütün işlərimizə bərəkət ver,

və hacətlərimizi həyata keçir!

İlahi, çətinliyindən qorxduğumuzu bizə asanlaşdır,

çünki çətinliyindən qorxduqlarımız Sənin üçün asandır.

Xoşagəlməz hadisələri asanlaşdır,

sıxıntıdan qorxumu asudəliyə çevir,

qəlbimdən qorxunu çıxart,

qorxduğum bəlaları məndən uzaqlaşdır,

ey mehribanların ən mehribanı!

İlahi, qəlbimi Sənə məhəbbət,

Səndən qorxu,

Səni təsdiqləmə,

Sənə iman,

Səndən qorxu,

və şövqlə doldur,

ey əzəmət və ehsan sahibi!

İlahi, həqiqətən, Sənin üzərimdə haqqın böyükdür! Elə isə, nemətlərini mənə ehsan et

və boynumda haqqı olanların haqqını Özün ödə!

Sən bütün qonaqlara ziyafət verəcəyini Özünə vacib etmisən,

və mən də sənə qonağam. Elə isə, bu gecə məni cənnət əhlindən et,

ey cənnət bəxş edən,

ey məğfirəti hədiyyə edən!

Səndən başqa heç bir güc və qüdrət yoxdur!