Ey giriftarlıqda mənim pənahım

və ey çətinlikdə mənim köməyimə çatan!

Sənə pənah gətirmişəm,

Səndən kömək istəyirəm

və Sənə sığınmışam;

Səndən qeyrisinə sığınmıram

və Səndən qeyrisindən çətinliklərimi həll etməsini istəmirəm;

elə isə, mənim köməyimə çat və məni çətinliklərdən qurtar.

Ey az əməli qəbul edən

və çox günahı əfv edən!

Bu az (itaəti) məndən qəbul et

və çox günahlarımı bağışla,

çünki Sən bağışlayan və rəhimlisən.

Ey Allahım, Səndən elə bir iman istəyirəm ki, qəlbim onunla birgə olsun

və Səndən elə bir yəqin istəyirəm ki, mənim barəmdə yalnız Sənin yazdığının baş verəcəyini bilim;

həyatda mənə qismət etdiklərinə məni razı et,

ey rəhimlilərin ən rəhimlisi.

Ey giriftarlıqda mənim azuqəm,

ey çətinlikdə mənim həmdəmim,

ey mənim nemətimin sahibi,

ey mənim arzumun nəhayəti!

Sənsən qəbahətlərimi örtən,

pərişanlığıma təskinlik verən

və xətalarımdan keçən;

elə isə, günahlarımı bağışla,

ey rəhimlilərin ən rəhimlisi.