بے شک اللہ نے آسمانوں اور زمین کو تھام رکھا ہے کہ سَرک نہ جائیں اگر وہ سَرک جائیں

تو پھر ان کو سوائے اس کے کوئی بھی نہیں تھام سکتا

یقیناً وہ بڑا بردبار بہت بخشنے والا ہے۔

آپ کہہ دیجئے کہ اللہ کہہ کر پکارو یا رحمٰن کہہ کر پکارو

جس طرح بھی پکارو گے اس کے تمام نام بہترین ہیں

اور اپنی نمازوں کو نہ چلاکر پڑھو اور نہ بہت آہستہ آہستہ

بلکہ دونوں کا درمیانی راستہ نکالو

اور کہو کہ ساری حمد اس اللہ کے لیے ہے جس نے نہ کسی کو فرزند بنایا ہے

اور نہ کوئی اس کے ملک میں شریک ہے

اور نہ کوئی اس کی کمزوری کی بناپر اس کا سرپرست ہے

اور پھر باقاعدہ اس کی بزرگی کا اعلان کرتے رہو