Ay woh Khuda jisse pareshaan haalon ne du'a ki to usne qabool karli.

Khauf zadah logon ne uski panaah chaahi to usne amn de diya,

itaa'at guzaaron ne ibaadat ki to qabool kar liya.

Momineen ne shukr kiya to unhein ataa kar diya,

itaa'at ki to unhein mehfooz kar diya,

sawaal kiya to unhein ataa kar diya

aur jo uski ne'mat ko bhool gaye unke dilon ko shukr se khaali nahin kiya

balkay un par ehsaan kiya aur apne naam ko unki nigaah mein qaabil-e-faraamosh nahin banaaya.

Khoodaya Hazrat Muhammad (A.S.) bin Ali (A.S.)

Alaihimus Salaam ka waasta dete hue

jo teri hujjat-e-baalighah

aur teri ne'mat-e-kaamilah hain

Tera waazeh aur roshan raasta hain

aur unhi ko muqaddam karke meri haajaton ko poora ataa farma.