Rəhman və rəhim Allahın adı ilə.

O Allahın adı ilə başlayıram ki, Onun fəzl və ehsanından başqa heç nəyə ümidim yoxdur,

Onun ədalətindən başqa heç nədən qorxmuram,

Onun sözündən başqa heç nəyə etimad etmirəm

və Onun ipindən başqa heç nədən yapışmıram;

ey əfv və razılıq sahibi, Sənə pənah gətirirəm

zülm və ədavətdən,

dövranın hadisələrindən,

ardıcıl üz verən kədərdən,

qəfil bəlalardan,

hazırlığım olmadan ömrümün başa çatmasından;

mənim məsləhətim və islahım olan işdə Səndən hidayət istəyirəm,

mənim nicatım və uğurumun yaxın olduğu işdə Səndən kömək istəyirəm,

kamil, hərtərəfli sağlamlıq və salamatlıq libasını (əldə etməkdə) yalnız Sənə ümid edirəm;

və kamil salamatlığın davamlılığında;

ey Rəbbim, mən şeytanın vəsvəsələrindən Sənə pənah gətirir

və padşahların zülmündən Sənin padşahlığına sığınıram;

elə isə, mənim namaz və orucumu qəbul et,

sabahkı və ondan sonrakı günlərimi bu saatdan və bu günümdən daha yaxşı et,

məni qohumlarım və qövmüm arasında əziz et,

yuxuda və oyaqlıqda məni qoru,

Sən qoruyanların ən yaxşısı olan Allahsan,

Sən rəhimlilərin ən rəhimlisisən.

Ey Allahım, mən bu gündə

və sonrakı günlərdə

şirk və dinsizlikdən Sənin dərgahına şikayət edirəm;

və duamı Sənə ixlasla edirəm

qəbul olması üçün,

və nəfsimi Sənə itaətə vadar edirəm;

Sənin savabına ümid edərək;

elə isə, Məhəmmədə - məxluqatının ən üstününə salam göndər;

Sənin həqqaniyyətinə dəvət edənə;

məni Öz əbədi izzətinlə izzətli et

və yuxuya getməyən gözlərinlə qoru;

işimə Sənə bağlanmaqla son qoy

və ömrümə Öz məğfirətinlə,

həqiqətən Sən bağışlayan və rəhimlisən.