Rəhman və Rəhim Allahın adı ilə.

Həmd-səna o Allaha məxsusdur ki, gecəni örtük

və yuxunu rahatlıq səbəbi qərar verdi,

gündüzü yenidən həyata başlamaq səbəbi qərar verdi;

həmd-səna Sənə məxsusdur, ondan ötrü ki, məni yatağımdan qaldırdın,

çünki əgər istəsəydin, yuxumu həmişəlik edərdin;

daimi həmd (Sənə məxsusdur): elə bir həmd ki, ardı-arası kəsilmir və həmişəlikdir,

məxluqat onu saymağa qadir deyildir.

Ey Allahım, həmd-səna Sənə məxsusdur, ondan ötrü ki, yaratdın və qaydaya saldın,

ölçü müəyyən etdin və hökm verdin,

öldürdün və diriltdin,

xəstələndirdin və şəfa verdin,

salamatlıq verdin və giriftar etdin,

ərşə müsəllət oldun,

hakimiyyətinin altında olanlara əhatən vardır;

Səni çağırıram o kəs kimi ki, vəsiləsi zəifdir

və çarəsi yoxdur,

ölümü yaxınlaşmış,

dünyada arzuları azalmış

və Sənin rəhmətinə ehtiyacı çoxalmışdır,

səhlənkarlığına görə həsrəti çoxalmış,

sapqınlığı və xətası artmış,

Sənin dərgahına tövbəsi xalis olmuşdur;

elə isə, Məhəmmədə salam göndər,

peyğəmbərlərin sonuncusuna,

və onun pak və pakizə Əhli-beytinə,

Məhəmmədin şəfaətini mənə ruzi et,

Allahın salamı olsun ona və xanidanına!

və onunla birlikdə olmaqdan məni məhrum etmə,

çünki Sən rəhimlilərin ən rəhimlisisən.

Ey Allahım, "yəvmul-ərbə`a"da (çərşənbə günü) mənim dörd istəyimi həyata keçir:

güc-qüvvəmi Sənə itaətdə qərar ver,

şövqümü Sənə ibadətdə,

rəğbətimi Sənin savabında

və zöhdümü Sənin acınacaqlı əzabına səbəb olan şeydən,

həqiqətən Sən istədiyinə mehribansan.