دُعائے عشرات

(یہ بھی انتہائی معتبر دعاؤں میں ہے جس کے نسخوں میں کافی اختلاف ہے لیکن ہم یہاں ایسے مصباح شیخ سے نقل کر رہے ہیں اور مستحب ہے کہ اس کے صبح و شام پڑھا جائے اور اس کا بہترین وقت جمعہ کے دن عصرکے بعد ہے۔)

خدائے مہربان ورحیم کے نام سے

خدا پاکیزہ ہے۔

ساری حمد اس کے لئے ہے۔

اس کے علاوہ کوئی خدا نہیں ہے

اور وہ ہر شئے سے بزرگ تر ہے۔

اس خدائے عالیٰ و عظیم کے علاوہ کوئی قوت اور طاقت نہیں ہے۔

اس کی تسبیح رات کے اوقات میں اور دن کے اطراف میں ہے۔

اس کی تسبیح صبح وشام ہے۔

اس کی تسبیح اوّل شب اور اوّل صبح ہے۔

اس کی تسبیح ہر شام اور صبح ہے وہ قابل تسبیح ہے جب بھی شام یا صبح ہوتی ہے۔

اس کے لئے حمد ہے آسمانوں میں اور زمینوں میں

شب کے وقت اور ظہر کے وقت کہ

وہ زندہ کو مردہ سے

اور مردہ کو زندہ سے نکالتا ہے

اور مردہ زمینوں کو زندہ بنا دیتا ہے

اور یوں ہی تمہیں بھی زمین سے نکالا جائے گا۔

پاکیزہ ہے تمہارا پروردگار جو صاحب عزت اورہر تو صیف سے بلندتر ہے۔

سلام ہے مرسلین پر

اور حمد ہے خدائےرب العالمین کے لئے۔

پاکیزہ ہے وہ جو صاحب ملک و ملکوت ہے۔

پاکیزہ ہے وہ جو صاحب عزت و جبروت ہے۔

پاکیزہ ہے وہ جو صاحب کبریائی و عظمت ہے۔

وہ بادشاہ جو برحق ہے ہر شئے کا نگراں ہے۔

پاکیزہ صفات ہے وہ جو بادشاہ حی ہے جس کے لئے موت نہیں ہے۔

پاکیزہ ہے وہ بادشاہ حی جوقدوس ہے۔

پاکیزہ ہے وہ جو قائم اور دائم ہے۔

پاکیزہ ہے وہ جو دائم اور قائم ہے۔

پاکیزہ ہے خدائے عظیم۔

پاکیزہ ہے خدائے اعلیٰ۔

پاکیزہ ہے خدائے حی و قیوم۔

پاکیزہ ہے خدائے علی و اعلیٰ۔

پاکیزگی ہے اس خدا کے لئے جو بلند

اور انتہائی پاکیزہ صفات ہے

ہمارا رب جو ملائکہ اور روح کا بھی پروردگار ہے۔

پاکیزگی ہے اس کے لئے جو دائم ہے اور غافل نہیں ہے۔

عالم ہے اور تعلیم کا محتاج نہیں ہے۔

پاکیزگی اس کے لئے ہے جو ہر مرئی اور غیر مرئی کا خالق ہے۔

پاکیزگی اس کے لئے جو نگاہوں کو دیکھتا ہے

اور نگاہیں اسے نہیں دیکھ سکتی ہیں کہ

وہ لطیف بھی ہے اور خبیر بھی ہے۔

خدایا میں نے تیری طرف سے نعمت و خیر

و برکت و عافیت میں صبح کی ہے

لہٰذا محمدؐ و آل محمدؐ پر رحمت نازل فرما

اور مجھ پر اپنی نعمت، اپنے خیر،

اپنی برکات اور اپنی عافیت کو یوں مکمل کر دے کہ

مجھے جہنم سے نجات دے دے

اور مجھے شکر کی توفیق

اور فضل و کرامت عنایت فرما دے جب تک اس دنیا میں زندہ رکھے۔

خدایا میں نے تیرے نور سے ہدایت پائی

اور تیرے فضل کے ذریعہ بے نیاز ہوگیا

اور تیری نعمت میں صبح و شام کی ہے۔

خدایا میں تجھی کو گواہ بناتا ہوں اور تیری گواہی کافی ہے۔

اور گواہ بناتا ہوں تیرے ملائکہ، انبیاء و مرسلین،

حاملانِ عرش، سکان سماوات و ارض

اور تمام مخلوقات کو

کہ تو یقیناً اللہ ہے، تیرے علاوہ کوئی خدا نہیں ہے۔

اکیلا ہے۔ تیرا کوئی شریک نہیں ہے۔

حضرت محمدؐ صلی اللہ علیہ و آلہ تیرے بندے اور رسول ہیں۔

تو ہر شئے پر قادر ہے۔

حیات اور موت، موت و زندگی سب تیرے ہاتھ میں ہے۔

میں گواہی دیتا ہوں کہ جنّت حق ہے،

جہنّم حق ہے،

حشر و نشر حق ہے،

قیامت آنے والی ہے، اس میں کوئی شک نہیں ہے

اور اللہ سب کو قبروں سے اٹھانے والا ہے

اور میں گواہی دیتا ہوں کہ حضرت علیؑ بن ابی طالبؑ یقیناً مومنین کے امیر ہیں۔

اور ان کی اولاد کے ائمہ ہادیؑ اور مہدیؑ ہیں۔

نہ گمراہ ہیں اور نہ گمراہ کرنے والے

وہ تیرے منتخب اولیاء ہیں

اور تیری غالب آنے والی جماعت میں ہیں۔

تیرے خاص مخلوقات میں چنے ہوئے

اور تیرے خالص بندے ہیں جن کو تو نے دین کے لئے چنا ہے۔

مخلوقات میں مخصوص قرار دیا ہے،

بندوں میں سے منتخب بنایا ہے

اور عالمین پر اپنی حجت قرار دیا ہے۔

صلوات ہو ان سب پر اور سلام اور رحمت اوربرکات ہو۔

خدایا میرے لئے اس شہادت کو اپنے یہاں درج کرلے

تاکہ روز قیامت مجھے اس کی تلقین کردے اور تو مجھ سے راضی رہے

اس لئے کہ تو ہر شئے پر قادر ہے۔

خدایا تیرے لئے وہ حمد ہے جس کی ابتدا بلند اور جس کی انتہا نہ ہونے والی ہے۔

خدایا تیرے لئے حمد ہے وہ حمد جس کے سامنے آسمان جھک گئے ہیں

اور جس کی بنا پر زمین اور اہلِ زمین تیری تسبیح کر رہے ہیں۔

خدایا تیرے لئے سرمدی ابدی حمد ہے

جو نہ ختم ہونے والی اور نہ فنا ہونے والی ہے۔

تیرے شایان شان ہے اور تیری ہی طرف پلٹ کہ آنے والی ہے،

جو ظاہر ہوتی ہے میرے اندر،

میرے ساتھ، مجھ سے پہلے، میرے بعد،

میرے سامنے، میرے اوپر، میرے نیچے،

میرے مرنے کے بعد اور پھر جب میں تن تنہا رہ جاؤں اور فنا ہو جاؤں۔

تیرے لئے حمد ہے جب میں قبر سے اٹھایا جاؤں۔

میرے پروردگار تیرے لئے حمد ہے

اور تیرے لئے شکر ہے

تمام نعمتوں پر۔ تمام تعریفیں تیرے ہی لئے ہیں

یہاں تک کہ یہ حمد اس منزل تک پہنچ جائے جس کو تو پسند کرتا ہے۔

خدایا تیرے لئے حمد ہے ہر کھانے پر۔ پینے پر،

طاقت پر، بست و کشاد پر

اور ہر موئے بدن کی منزل پر۔

خدایا تیرے لئے حمد ہے جو ہمیشہ رہنے والی ہے

اور تیرے لئے حمد ہے جس کی کوئی انتہا نہیں ہے تیرے علم سے پہلے

تیرے لئے وہ حمد ہے جس کی تیری مشیت کے علاوہ کوئی انتہا نہیں ہے

اور تیرے لئے وہ حمد ہے جس کے حمد گزاروں کی کوئی اجرت تیری رضا کے علاوہ کچھ نہیں ہے۔

تیرے لئے حمد ہے کہ تو علم کے بعد بھی حکم رکھتا ہے

اور قیامت کے بعد بھی معاف کر دیتا ہے۔

تیرے لئے حمد ہے کہ تو حمد کا موجد ہے۔

تیرے لئے حمد ہے کہ تو حمد کا وارث ہے

تیرے لئے حمد ہے کہ تو حمد کا موجد ہے۔

تیرے لئے حمد ہےاور آخری درجہ کی حمد ہے۔

تیرے لئے حمد ہے اے حمد کے موجد

تیرے لئے حمد ہے اے حمد کے خریدار و قدرداں

تیرے لئے حمد ہے اے حمد کے ولی۔

تیرے لئے حمد ہے جو ہمیشہ سے ہے۔

تیرے لئے حمد ہے کہ تو صادق الوعد ہے۔ عہد کا پورا کرنے والا ہے

تیرا لشکر غالب اور تیری بزرگی دائمی ہے۔

تیرے واسطے حمد ہے کہ تو درجات کا بلند کرنے والا ہے دعاؤں کو قبول کرنے والا ہے

ساتوں آسمانوں کی بلندی سے آیات کا نازل کرنے والا،

عظیم برکتوں والا۔

نور کو ظلمتوں سے نکالنے والا

اور ظلمتوں میں مبتلا کو نور تک پہنچانے والا ہے۔

برائیوں کو نیکیوں میں تبدیل کرنے والا

اور نیکیوں کو درجات میں تبدیل کرنے والا ہے۔

خدایا تیرے لئے حمد ہے کہ تو گناہوں کا بخشنے والا توبہ کا قبول کرنے والا،

سخت عذاب کرنے والا اور بہترین مہربان ہے۔

تیرے علاوہ کوئی خدا نہیں ہے تیرے ہی طرف سب کی بازگشت ہے۔

خدایا تیرے ہی لئے حمدہے جب رات چھا جائے

اور تیرے ہی لئے حمد ہے جب دن روشن ہو جائے۔

تیرے ہی لئے حمد ہے ابتدا میں اور انتہا میں۔

تیرے ہی لئے حمد ہے ہر آسمان کے ستاروں اور فرشتوں کے عدد کے برابر۔

تیرے لئے حمد ہے زمین، ذرات ریگ اور دانوں کے برابر۔

تیرے لئے حمد ہے فضائے آسمان کی مخلوقات کے عدد کے برابر۔

تیرے لئے حمد ہے زمین کے اندر رہنے والی مخلوقات کے برابر۔

تیرے لئے حمد ہے سمندر کے وزن کے برابر۔

تیرے لئے حمد ہے درختوں کے پتوں کے برابر۔

تیرے لئے حمد ہے تمام زمین کی مخلوقات کے برابر۔

اور تیرے لئے حمد ہے ان تمام چیزوں کے برابر جن کو لوح محفوظ میں محفوظ کیا گیا ہے۔

تیرے لئے حمد ہے اتنی جس پر تیرے علم محیط ہے۔

تیرے لئے حمد ہے تمام انسان، جنات،

جانور۔پرندے، سب کے اعداد کے برابر

بے شمار حمد۔

طیب و پاکیزہ و مبارک حمد۔ جیسی حمد تو چاہتا ہے اور پسند کرتا ہے

اور جیسی حمد تیری شان کرم اور عزت و جلال کے شایان شان ہے۔

اس خدا کے علاوہ کوئی خدا نہیں ہے اور اس کا کوئی شریک نہیں ہے۔ اسی کے لئے ملک ہے اور اسی کے لئے حمد ہے وہ لطیف بھی ہے اور خبیر بھی ہے۔

خدا کے علاوہ کوئی خدا نہیں ہے وہ اکیلا ہے اور اس کا کوئی شریک نہیں ہے۔ اسی کے لئے ملک ہے اور اسی کے حمد ہے۔ وہ زندگی اور موت اور موت اور زندگی دینے والا ہے وہ زندہ ہے جس کے لئے موت نہیں ہے اس کے قبضہ میں خیر ہے اور وہ ہر شئے پر قادر ہے۔

میں استغفار کرتا ہوں اس اللہ کی بارگاہ میں جس کے علا وہ کوئی خدا نہیں ہے اور وہ حی و قیوم ہے اور اسی سے توبہ کرتا ہوں۔

اے اللہ اے اللہ

اے رحمٰن اے رحمٰن

اے رحیم اے رحیم

اے آسمان و زمین کے خالق

اے صاحب جلا ل و اکرام

اے مہربان اے محسن

اے حی اے قیوم

اے زندہ جس کے علاوہ کوئی خدا نہیں ہے

اے اللہ اے تیرے علاوہ کوئی خدا نہیں ہے

بنام خدائے رحمان ورحیم

بارالہٰا محمدؐ و آل محمدؐ پر رحمت نازل فرما۔

خدایا میرے ساتھ وہ برتاؤ کرنا جس کا تو اہل ہے۔

آمین آمین

اے رسول کہہ دیجئے کہ وہ اللہ احد ہے۔

پروردگار میرے ساتھ وہ سلوک کرنا جس کا تو اہل ہے

اور وہ سلوک نہ کرنا جس کا میں اہل ہوں

اس لئے کہ تو اہل تقویٰ اور اہل مغفر ت ہے

اور میں اہل ذنوب و معاصی ہوں۔

خدایا مجھ پر رحم فرما۔

کہ تو بہترین رحم کرنے والا ہے۔

خدا کے علاوہ کوئی قوت و طاقت نہیں ہے۔

میرا اعتماد اس خدائے زندہ پر ہے جس کے لئے موت نہیں ہے۔

ساری حمد اس اللہ کے لئے ہے جس نے کسی کو فرزند نہیں بنایا،

اس کے ملک میں کوئی شریک نہیں ہے۔

اس کی کمزوری میں کوئی مددگار نہیں ہے

اس کی مسلسل تکبیر ہونی چاہئے۔