زیارت جامعہ صغيره

(فصل زیارت جامعہ اور وہ دعا جو زیارت کے بعد پڑھی جاتی ہے اور وہ صلوات جو ائمہ معصومینؑ سے متعلق ہے اس سلسلہ میں چند مقات ہیں۔)

(مقام اول: زیارت جامعہ جس کے ذریعہ ہر امام کی زیارت کی جا سکتی ہے اور یہ بہت ہیں۔ ہم صرف چند زیارتوں کا ذکر کر رہے ہیں۔)

(زیارت اول: شیخ صدوقؒ نے کتاب من لا یحضر الفقیه میں امام رضاؑ سے روایت کی ہے کہ حضرت سے پوچھا گیا کہ امام موسیٰ کاظمؑ کی قبر پر حاضری کے بارے میں تو آپ نے فرمایا کہ قبر کے اطراف کی مسجدوں میں نماز پڑھو اور یہ بات کافی ہے کہ ہر امام کی زیارت پر یا مطلق مزارات شریفہ پر یا مراقد انبیاء و اوصیاء پر یوں زیارت پڑھو:)

(یہ زیارت کتاب کافی، تہذیب اور کامل الزیارات میں نقل ہوئی ہے اور تمام کتابوں میں زیارت کے بعد یہ لکھا ہوا ہےکہ کلماتِ زیارت ہر مقام پر کافی ہیں اور مناسب ہے کہ بکثرت محمدؐ و آل محمدؐپر صلوات پڑھے اور ایک ایک کا نام لے کر صلوات پڑھے اور ان کے دشمنوں سے بیزاری کا اظہار کرے۔ اس کے بعد اپنے اور مومنین کے لئے جو دعا چاہے وہ اختیار کرے۔)

(مؤلّف: ظاہراً ایسا معلوم ہوتا ہے کہ یہ آخری ٹکڑا حدیث کا جزء ہے اور اگر یہ محدثین کا کلام ہے اور ان بزرگوں نے روایت سے ایسا ہی سمجھا ہےکہ زیارت ہر مقام کے لئے کافی ہے جیسا کہ ابتدائے حدیث سے معلوم ہوتا ہے اور اس بات سے بھی کہ اس کو زیارت جامعہ میں نقل کیاہے اور الفاظ زیارت بھی جامع ہیں اور کسی معصوم سے مخصوص نہیں ہیں تو نفس اس کے زیارت جامعہ ہونے اور اس کے تمام مقامات پر پڑھے جانے پر مطمئن ہے۔ یہاں تک کہ بعض علماء نے جناب یونسؑ کی قبر پر بھی اسی زیارت کو نقل کیا ہےاور چونکہ اس زیارت کے ذیل میں ہر ایک پر بالخصوص صلوات بھی ذکر ہے لہٰذا گر وہ صلوات پڑھے جو ابوالحسن ضرّاب اصفہانی کی طرف منسوب ہے اور جس کا ذکر اعمال روز جمعہ میں ہو چکا ہےتو زیادہ مناسب ہے۔)