بِسْمِ اللهِ الرَّحْمٰنِ الرَّحِيْمِ
Ae maabood! Ae woh jis ki tauseef se wasf karne walon ke tauseefi alfaz qasir hain. Ae woh jo umeedo-waron ki umeedo ka markaz hai. Ae woh jis ke haan neko-kaaron ka ajr zaya nahi hota. Ae woh jo ibadat-guzaron ke khauf ki manzil-e-muntaha hai. Ae woh jo parhezgaron ke beem-o-haras ki had-e-aakhir hai yeh is shakhs ka mauqif hai jo gunahon ke hathon mein khelta hai aur khataon ki bagon ne jisay kheench liya hai aur jis par shaitan ghalib aa gaya hai. Is liye tere hukm se laparwahi karte hue us ne (ada-e-farz) mein kotahi ki aur faraib-khordagi ki wajah se tere munhiyat ka murtakib hota hai. Goya woh apne ko tere qabza-e-qudrat mein samajhta hi nahi hai aur tere fazl-o-ehsan ko jo tu ne is par kiye hain maanta hi nahi hai. Magar jab us ki chashm-e-baseerat wa hui aur is kori-o-be-baseeri ke baadal us ke samne se chhatte to us ne apne nafs par kiye hue zulmon ka jaiza liya aur jin jin mawarid par apne parwardigar ki mukhalfatain ki thien un par nazar daudayi to apne bade gunahon ko (waqian) bada aur apni azeem mukhalfaton ko (haqiqatan) azeem paya to woh is halat mein ke tujh se umeedo-war bhi hai aur sharm-sar bhi, teri jaanib mutawajje hua aur tujh par aetimad karte hue teri taraf raghib hua aur yaqeen-o-itminan ke sath apni khwahish-o-aarzu ko le kar tera qasd kiya aur (dil mein) tera khauf liye hue khuloos ke sath teri bargah ka irada kiya is halat mein ke tere alawa usay kisi se gharz na thi aur tere siwa usay kisi ka khauf na tha.
اَللّٰهُمَّ
Chunancha woh aajizana soorat mein tere samne aa khada hua aur frootani se apni aankhein zameen mein gaad lien aur tazallul-o-inkisar se teri azmat ke aage sar jhuka liya aur ajz-o-niyaz mandi se apne raaz-haye-daroon-e-parda jinhein tu us se behtar jaanta hai tere aage khol diye aur aajizi se apne woh gunah jin ka tu us se zyada hisab rakhta hai ek ek karke shumar kiye aur un bade gunahon se jo tere ilm mein us ke liye muhlik aur un bad-aamaliyon se jo tere faisla ke mutabiq us ke liye ruswa-kun hain, dado-faryad karta hai. Woh gunah ke jin ki lizzat jati rahi hai aur un ka wabaal hamesha ke liye baqi reh gaya hai. Ae mere maabood! Agar tu us par azab kare to woh tere adl ka munkir nahi hoga. Aur agar us se darguzar kare aur tars khaye to woh tere afw ko koi aib aur badi baat nahi samjhe ga. Is liye ke tu woh parwardigar-e-kareem hai. Jis ke nazdeek bade se bade gunah ko bhi bakhsh dena koi badi baat nahi hai. Achha to ae mere maabood! Main teri bargah mein hazir hoon. Tere hukm-e-dua ki itaat karte hue aur tere wade ka eifa chahte hue jo qubooliyat-e-dua ke mutalluq tu ne apne is irshad mein kiya hai: "Mujh se dua mango to main tumhari dua qubool karoon ga".
يَا مَنْ لَا يَصِفُه نَعْتُ الْوَاصِفِيْنَ
Khudawanda! Muhammad aur un ki Aal par rehmat nazil farma aur apni maghfirat mere shamil-e-haal kar jis tarah main (apne gunahon ka) iqrar karte hue teri taraf mutawajje hua hoon aur un muqamat se jahan gunahon se maghloob hona padta hai mujhe (sahara de kar) oopar utha le jis tarah main ne apne nafs ko tere aage (khak-e-mazallat par) daal diya hai. Aur apne daman-e-rehmat se meri parda-poshi farma jis tarah mujh se intiqam lene mein sabr-o-hilm se kaam liya hai. Ae Allah! Apni itaat mein meri niyat ko istwar aur apni ibadat mein meri baseerat ko qawi kar aur mujhe in aamal ke baja lane ki taufiq de jin ke zariye tu mere gunahon ke mail ko dho daale. Aur jab mujhe duniya se uthaye to apne deen aur apne nabi Muhammad (s.a.w.w) ke aayin par utha. Ae mere maabood! Main is muqam par apne chhote bade gunahon, poshida-o-ashkara masiyaton aur guzishta-o-maujooda laghzi-shon se tauba karta hoon, is shakhs ki si tauba jo dil mein masiyat ka khayal bhi na laye aur gunah ki taraf palat-ne ka tasawwur bhi na kare. Khudawanda! Tu ne apni muhkam kitab mein farmaya hai ke tu bandon ki tauba qubool karta hai aur gunahon ko maaf karta hai aur tauba karne walon ko dost rakhta hai. Lehaza tu meri tauba qubool farma jaisa ke tu ne wada kiya hai aur mere gunahon ko maaf kar de jaisa ke tu ne zimma liya hai, aur hasb-e-qarar-dad apni mohabbat ko mere liye zaroori qarar de. Aur main tujh se ae mere parwardigar! Yeh iqrar karta hoon ke teri napasandida baaton ki taraf rukh nahi karoon ga aur yeh qaul-o-qarar karta hoon ke qabil-e-mazammat cheezon ki taraf ruju na karoon ga. Aur yeh ehd karta hoon ke teri tamam nafarmaniyon ko yek-sar chhod doon ga. Bar-ilaha! Tu mere amal-o-kirdar se khoob aagah hai. Ab jo bhi tu jaanta hai usay bakhsh de aur apni quddrat-e-kamila se pasandida cheezon ki taraf mujhe mod de.
وَ يَا مَنْ لَا يُجَاوِزُه رَجَاۤءُ الرَّاجِيْنَ
Ae Allah! Mere zimma kitne aise huqooq hain jo mujhe yaad hain. Aur kitne aise mazlame hain jin par nisyan ka parda pada hua hai. Lekin woh sab ke sab teri aankhon ke samne hain. Aisi aankhein jo khwab-aalooda nahi hoti, aur tere ilm mein hain aisa ilm jis mein fro-guzasht nahi hoti. Lehaza jin logon ka mujh par koi haq hai us ka unhein iwaz de kar us ka bojh mujh se bartaraf aur us ka baar halka kar de, aur mujhe phir waise gunahon ke irtikab se mehfooz rakh. Ae Allah! Main tauba par qaim nahi reh sakta, magar teri hi nishrani se, aur gunahon se baaz nahi aa sakta magar teri hi quwwat-o-tawanayi se. Lehaza mujhe be-niyaz karne wali quwwat se taqwiyat de. Aur (gunahon se) rokne wali nigrani ka zimma le. Ae Allah! Woh banda jo tujh se tauba kare aur tere ilm-e-ghaib mein woh tauba-shikni karne walon aur gunah-o-masiyat ki taraf dobara palat-ne wala ho to main tujh se panah mangta hoon ke us jaisa hoon. Meri tauba ko aisi tauba qarar de ke us ke baad phir tauba ki ehtiyaj na rahe jis se guzishta gunah mahw ho jayein aur zindagi ke baqi dinon mein (gunahon se) salamati ka saman ho. Ae Allah! Main apni jahalaton se uzr-khwah aur apni bad-aamaliyon se bakhshish ka talab-gar hoon. Lehaza apne lutf-o-ehsan se mujhe panah-gah-e-rehmat mein jagah de aur apne tafazzul se apni aafiyat ke parda mein chhupa le. Ae Allah! Main dil mein guzarne wale khayalat aur aankh ke isharon aur zaban ki guftaguo, gharz har us cheez se jo tere irada-o-raza ke khilaf ho aur teri mohabbat ke hudood se bahar ho, teri bargah mein tauba karta hoon. Aisi tauba jis se mera har har azu apni jagah par teri uqubaton se bacha rahe aur in takleef-deh azabon se jin se sarkash log khaif rehte hain mehfooz rahe. Ae maabood! Yeh tere samne mera aalam-e-tanhayi, tere khauf se mere dil ki dhadkan, teri haibat se mere aaza ki tharthari. In halaton par reham farma. Parwardigara! Mujhe gunahon ne teri bargah mein ruswayi ki manzil par la khada kiya hai.
وَ يَا مَنْ لَا يَضِيْعُ لَدَيْهِ اَجْرُ الْمُحْسِنِيْنَ
Ab agar chup rahoon to meri taraf se koi bolne wala nahi hai aur koi wasila laoon to shafa'at ka sazawaar nahi hoon. Ae Allah! Muhammad aur un ki Aal par rehmat nazil farma aur apne karam-o-bakhshish ko meri khataon ka shafee qarar de aur apne fazl se mere gunahon ko bakhsh de aur jis saza ka main sazawaar hoon woh saza na de aur apna daman-e-karam mujh par phaila de aur apne parda-e-afw-o-rehmat mein mujhe dhanp le aur mujh se us zi-iqtidar shakhs ka sa bartao kar jis ke aage koi zaleel gidgidaye to woh us par tars khaye ya us daulat-mand ka sa jis se koi banda muhtaj lipte to woh usay sahara de kar utha le. Bar-ilaha! Mujhe tere (azab) se koi panah dene wala nahi hai. Ab teri quwwat-o-tawanayi hi panah de to de. Aur tere yahan koi meri sifarish karne wala nahi. Ab tera fazl hi sifarish kare to kare. Aur mere gunahon ne mujhe harasan kar diya hai. Ab tera afw-o-darguzar hi mujhe mutmain kare to kare. Yeh jo kuch main keh raha hoon is liye nahi ke main apni bad-aamaliyon se na-waqif aur apni guzishta bad-kariyon ko faramosh kar chuka hoon balkay is liye ke tera aasman aur jo us mein rehte sehte hain aur teri zameen aur jo us par aabaad hain, meri nidamat ko jis ka main ne tere samne izhaar kiya hai, aur meri tauba ko jis ke zariye tujh se panah mangi hai sun lein. Taake teri rehmat ki kaar-farmayi ki wajah se kisi ko mere haal-e-zaar par reham aa jaye ya meri pareshan-haali par us ka dil paseeje to mere haq mein dua kare jis ki tere haan meri dua se zyada shunwayi ho. Ya koi aisi sifarish haasil kar loon jo tere haan meri darkhwast se zyada muassir ho aur is tarah tere ghazab se najat ki dastaweiz aur teri khoshnudi ka parwana haasil kar sakoon. Ae Allah! Agar teri bargah mein nidamat-o-pashimani hi tauba hai to main pashiman hone walon mein sab se zyada hoon.
وَ يَا مَنْ هُوَ مُنْتَهٰى خَوْفِ الْعَابِدِيْنَ
Aur agar tark-e-masiyat hi tauba-o-inabat hai to main tauba karne walon mein awwal darja par hoon. Aur agar talab-e-maghfirat gunahon ko zail karne ka sabab hai to maghfirat karne walon mein se ek main bhi hoon. Khudaya jab ke tu ne tauba ka hukm diya hai aur qubool karne ka zimma liya hai aur dua par aamada kiya hai aur qubooliyat ka wada farmaya hai to rehmat nazil farma Muhammad aur un ki Aal par aur meri tauba ko qubool farma aur mujhe apni rehmat se na-umeedi ke sath na palta kyunke tu gunahgaron ki tauba qubool karne wala aur ruju hone wale khatakaron par reham karne wala hai. Ae Allah! Muhammad aur un ki Aal par rehmat nazil farma jis tarah tu ne un ke wasila se hamari hidayat farmayi hai. Tu Muhammad aur un ki Aal par rehmat nazil kar. Jis tarah un ke zariye humein (gumrahi ke bhanwar se) nikala hai. Tu Muhammad aur un ki Aal par rehmat nazil kar, aisi rehmat jo qiyamat ke roz aur tujh se ehtiyaj ke din hamari sifarish kare is liye ke tu har cheez par qudrat rakhta hai aur yeh amr tere liye sahl-o-aasaan hai.
وَ يَا مَنْ هُوَ غَايَةُ خَشْيَةِ الْمُتَّقِيْنَ
تَدَاوَلَتْهُ اَيْدِى الذُّنُوْبِ
وَقَادَتْهُ اَزِمَّةُ الْخَطَايَا
وَ اسْتَحْوَذَ عَلَيْهِ الشَّيْطٰنُ
فَقَصَّرَ عَمَّا اَمَرْتَ بِهٖ تَفْرِيْطًا
وَ تَعَاطٰى مَا نَهَيْتَ عَنْهُ تَغْرِيْرًا
كَالْجَاهِلِ بِقُدْرَتِكَ عَلَيْهِ
اَوْ كـَالْمُنْكـَرِ فَضْلَ اِحْسَانِكَ اِلَيْهِ
حَتّٰى اِذَا انْفَتَحَ لَه بَصَرُ الْهُدٰى
وَ تَقَشَّعَتْ عَنْهُ سَحَاۤئِبُ الْعَمٰى
اَحْصٰى مَا ظَلَمَ بِهٖ نَفْسَه
وَ فَكَّرَ فِيْمَا خَالَفَ بِهٖ رَبَّه
فَرَاٰى كَبِيْرَ عِصْيَانِهٖ كَبِيْرًا وَ جَلِيْلَ مُخَالَفَتِهٖ جَلِيْلًا
فَاَقْبَلَ نَحْوَكَ مُؤَمِّلًا لَكَ مُسْتَحِيًّا مِنْكَ
وَ وَجَّهَ رَغْبَتُه اِلَيْكَ ثِقَةً بِكَ
فَاَمَّكَ بِطَمَعِهٖ يَقِيْنًا
وَ قَصَدَكَ بِخَوْفِهٖ اِخْلَاصًا
قَدْ خَلَا طَمَعُه مِنْ كُلِّ مَطْمُوْعٍ فِيْهِ غَيْرِكَ
وَ اَفْرَخَ رَوْعُه مِنْ كُلِّ مَحْذُوْرٍ مِنْهُ سِوَاكَ
فَمَثَلَ بَيْنَ يَدَيْكَ مُتَضَرِّعًا
وَ غَمَّضَ بَصَرَه اِلَى الْاَرْضِ مُتَخَشِّعًا
وَ طَاْطَاَ رَأْسَه لِعِزَّتِكَ مُتَذَلِّلَا
وَ اَبَثَّكَ مِنْ سِرِّهٖ مَآ اَنْتَ اَعْلَمُ بِهٖ مِنْهُ خُضُوْعًا
وَ عَدَّدَ مِنْ ذُنُوْبِهٖ مَآ اَنْتَ اَحْصٰى لَهَا خُشُوْعًا
عَظِيْمِ مَا وَقَعَ بِهٖ فِىْ عِلْمِكَ
وَ قَبِيْحِ مَا فَضَحَه فِىْ حُكْمِكَ مِنْ ذُنُوْبٍ
اَدْبَرَتْ لَذَّاتُهَا فَذَهَبَتْ
وَ اَقَامَتْ تَبِعَاتُهَا فَلَزِمَتْ
لَا يُنْكِرُ يَآ اِلٰهِىْ عَدْلَكَ اِنْ عَاقَبْتَه
وَ لَا يَسْتَعْظِمُ عَفْوَكَ اِنْ عَفَوْتَ عَنْهُ وَ رَحِمْتَه
لِاَنَّكَ الرَّبُّ الْكَرِيْمُ الَّذِىْ لَا يَتَعَاظَمُه غُفْرَانُ الذَّنْبِ الْعَظِيْمِ
اَللّٰهُمَّ فَهَا اَنَاذَا
قَدْ جِئْتُكَ مُطِيْعًا لِاَمْرِكَ فِيْمَآ اَمَرْتَ بِهٖ مِنَ الدُّعَاۤءِ
مُتَنَجِّزًا وَعْدَكَ فِيْمَا وَعَدْتَ بِهٖ مِنَ الْاِجَابَةِ اِذْ تَقُوْلُ
ادْعُوْنِىْ اَسْتَجِبْ لَكُمْ
اَللّٰهُمَّ فَصَلِّ عَلٰى مُحَمَّدٍ وَ اٰلِهٖ
وَ الْقَنِىْ بِمَغْفِرَتِكَ كَمَا لَقِيْتُكَ بِاِقْرَارِىْ
وَارْفَعْنِىْ عَنْ مَصَارِعِ الذُّنُوْبِ كَمَا وَضَعْتُ لَكَ نَفْسِىْ
وَاسْتُرْنِىْ بِسِتْرِكَ كَمَا تَاَنَّيْتَنِىْ عَنِ الْاِنْتِقَامِ مِنِّىْ
وَ ثَبِّتْ فِىْ طَاعَتِكَ نِيَّتِىْ
وَاَحْكِمْ فِىْ عِبَادَتِكَ بَصِيْرَتِىْ
وَ وَفِّقْنِىْ مِنَ الْاَعْمَالِ لِمَا تَغْسِلُ بِهٖ دَنَسَ الْخَطَايَا عَنِّىْ
وَ تَوَفَّنِىْ عَلٰى مِلَّتِكَ وَ مِلَّةِ نَبِيِّكَ مُحَمَّدٍ اِذَا تَوَفَّيْتَنِىْ
اِنِّىْٓ اَتُوْبُ اِلَيْكَ فِىْ مَقَامِىْ هٰذَا
مِنْ كَبَاۤئِرِ ذُنُوْبِىْ وَ صَغَاۤئِرِهَا
وَ بِوَاطِنِ سَيِّئٰاتِىْ وَ ظَوَاهِرِهَا
وَ سَوَالِفِ زَلاَّتِىْ وَ حَوَادِثِهَا
تَوْبَةَ مَنْ لَا يُحَدِّثُ نَفْسَه بِمَعْصِيَةٍ
وَلَا يُضْمِرُ اَنْ يَعُوْدُ فِىْ خَطِيْٓئَةٍ
وَ قَدْ قُلْتَ يَا اِلٰهِىْ فِىْ مُحْكَمِ كِتَابِكَ اِنَّكَ
تَقْبَلُ التَّوْبَةَ عَنْ عِبَادِكَ
وَ تَعْفُوْ عَنِ السَّيِّئٰاتِ
وَ تُحِبُّ التَّوَّابِيْنَ
فَاقْبَلْ تَوْبَتِىْ كَمَا وَعَدْتَ
وَاعْفُ عَنْ سَيِّئٰاتِىْ كَمَا ضَمِنْتَ
وَ اَوْجِبْ لِىْ مَحَبَّتَكَ كَمَا شَرَطْتَ
شَرْطِىْ اَلاَّ اَعُوْدَ فِىْ مَكْرُوْهِكَ
وَ ضَمَانِىْ اَلاَّ اَرْجِعَ فِىْ مَذْمُوْمِكَ
وَ عَهْدِىْ اَنْ اَهْجُرَ جَمِيْعَ مَعَاصِيْكَ
اَللّٰهُمَّ اِنَّكَ اَعْلَمُ بِمَا عَمِلْتُ
فَاغْفِرْلِىْ مَا عَلِمْتَ
وَاصْرِفْنِىْ بِقُدْرَتِكَ اِلٰى مَا اَحْبَبْتَ
تَبِعَاتٌ قَدْ حَفِظْتُهُنَّ
وَ تَبِعَاتٌ قَدْ نَسِيْتُهُنَّ
وَ كـُلُّهُنَّ بِعَيْنِكَ الَّتِىْ لَا تَنَامُ
وَ عِلْمِكَ الَّذِىْ لَا يَنْسٰى
فَعَوِّضْ مِنْهَآ اَهْلَهَا
وَاحْطُطْ عَنِّىْ وِزْرَهَا
وَ خَفِّفْ عَنِّىْ ثِقْلَهَا
وَاعْصِمْنِىْ مِنْ اَنْ اُقَارِفَ مِثْلَهَا
لَا وَفَاءَ لِىْ بِالتَّوْبَةِ اِلَّا بِعِصْمَتِكَ
وَ لَا اسْتِمْسَاكَ بِىْ عَنِ الْخَطَايَا اِلَّا عَنْ قُوَّتِكَ
فَقَوِّنِىْ بِقُوَّةٍ كَافِيَةٍ
وَ تَوَلَّنِىْ بِعِصْمَةٍ مَانِعَةٍ
اَللّٰهُمَّ اَيُّمَا عَبْدٍ تَابَ اِلَيْكَ
وَ هُوَ فِىْ عِلْمِ الْغَيْبِ عِنْدَكَ
وَ عَائِدٌ فِىْ ذَنْبِهٖ وَ خَطِيْٓئَتِهٖ
فَاِنِّىْ اَعُوْذُ بِكَ اَنْ اَكُوْنَ كَذٰلِكَ
فَاجْعَلْ تَوْبَتِىْ هٰذِهٖ
تَوْبَةً لَا اَحْتَاجُ بَعْدَهَا اِلٰى
تَوْبَةً مُوْجِبَةً لِمَحْوِ مَا سَلَفَ وَ السَّلَامَةِ فِيْمَا بَقِىَ
اِنِّىْ اَعْتَذِرُ اِلَيْكَ مِنْ جَهْلِىْ
وَ اَسْتَوْهِبُكَ سُوْءَ فِعْلِىْ
فَاضْمُمْنِىْ اِلٰى كَنَفِ رَحْمَتِكَ تَطَوُّلًا
وَاسْتُرْنِىْ بِسِتْرِ عَافِيَتِكَ تَفَضُّلًا
وَ اِنِّىْ تَتُوْبُ اِلَيْكَ مِنْ كُلِّ مَا خَالَفَ اِرَادَتَكَ اَوْزَالَ عَنْ مَحَبَّتِكَ
تَوْبَةً تَسْلَمُ بِهَا كُلُّ جَارِحَةٍ عَلٰى حِيَالِهَا مِنْ تَبِعَاتِكَ وَ تَا مَنُ مِمَّا يَخَافُ الْمُعْتَدُوْنَ مِنْ اَلِيْمِ سَطَوَاتِكَ
وَحْدَتِىْ بَيْنَ يَدَيْكَ
وَ وَجِيْبَ قَلْبِىْ مِنْ خَشْيَتِكَ
وَاضْطِرَابَ اَرْكَانِىْ مِنْ هَيْبَتِكَ
فَقَدْ اَقَامَتْنِىْ يَا رَبِّ ذُنُوْبِىْ مَقَامَ الْخِزْىِ بِفِنَاۤئِكَ
فَاِنْ سَكَتُّ لَمْ يَنْطِقُ عَنِّىْ اَحَدٌ
وَ اِنْ شَفَعْتُ فَلَسْتُ بِاَهْلِ الشَّفَاعَةِ
اَللّٰهُمَّ صَلِّ عَلٰى مُحَمَّدٍ وَ اٰلِهٖ
وَ شَفِّعْ فِىْ خَطَايَاىَ كَرَمَكَ
وَ عُدْ عَلٰى سَيِّئٰاتِىْ بِعَفْوِكَ
وَ لَا تَجْزِنـِىْ جَزَاۤئِىْ مِنْ عُقُوْبَتِكَ
وَابْسُطْ عَلَىَّ طَوْلَكَ
وَ جَلِّلْنِىْ بِسِتْرِكَ
عَزِيْزٍ تَضَرَّعَ اِلَيْهِ عَبْدٌ ذَلِيْلٌ فَرَحِمَه
اَوْ غَنِىٍّ تَعَرَّضَ لَه عَبْدٌ فَقِيْرٌ فَنَعَشَه
لَا خَفِيْرَ لِىْ مِنْكَ فَلْيَخْفُرْنِىْ عِزُّكَ
وَ لَا شَفِيْعَ لِىْ اِلَيْكَ فَلْيَشْفَعْ لِىْ فَضْلُكَ
وَ قَدْ اَوْجَلَتْنِىْ خَطَايَاىَ فَلْيُؤْمِنِّىْ عَفْوُكَ
فَمَا كُلُّ مَا نَطَقْتُ بِهٖ عَنْ
جَهْلٍ مِنِّىْ بِسُوْٓ ءِ اَثَرِىْ
وَ لَا نِسْيَانٍ لِمَا سَبَقَ مِنْ ذَمِيْمِ فِعْلِىْ
وَ لٰكِنْ لِتَسْمَعَ سَمَاۤؤُكَ وَ مَنْ فِيْهَا وَ اَرْضُكَ وَ مَنْ عَلَيْهَا مَآ
اَظْهَرْتُ لَكَ مِنَ النَّدَمِ
وَ لَجَأْتُ اِلَيْكَ فِيْهِ مِنَ التَّوْبَةِ
فَلَعَلَّ بَعْضَهُمْ بِرَحْمَتِكَ
يَرْحَمُنِىْ لِسُوْٓ ءِ مَوْقِفِىْ
اَوْ تُدْرِكْهُ الرِّقَّةُ عَلَىَّ لِسُوْ ءِ حَالِىْ
بِدَعْوَةٍ هِىَ اَسْمَعُ لَدَيْكَ مِنْ دُعَاۤئِىْ
اَوْ شَفَاعَةٍ اَوْكَدُ عِنْدَكَ مِنْ شَفَاعَتِىْ تَكُوْنُ بِهَا
اِنْ يَّكـُنِ النَّدَمُ تَوْبَةً اِلَيْكَ فَاَنَا اَنْدَمُ النَّادِمِيْنَ
وَ اِنْ يَّكُنِ التَّرْكُ لِمَعْصِيَتِكَ اِنَابَةً فَاَنَا اَوَّلُ الْمُنِيْبِيْنَ
وَ اِنْ يَّكُنِ الْاِسْتِغْفَارُ حِطَّةً لِلذُّنُوْبِ فَاِنِّىْ لَكَ مِنَ الْمُسْتَغْفِرِيْنَ
اَمَرْتَ بِالتَّوْبَةِ وَ ضَمِنْتَ الْقَبُوْلَ
وَ حَثَثْتَ عَلَى الدُّعَاۤءِ وَ وَعَدْتَ الْاِجَابَةَ
فَصَلِّ عَلٰى مُحَمَّدٍ وَّ اٰلِهٖ
وَ لَا تَرْجِعْنِىْ مَرْجِعَ الْخَيْبَةِ مِنْ رَحْمَتِكَ
اِنَّكَ اَنْتَ التَّوَّابُ عَلَى الْمُذْنِبِيْنَ
وَ الرَّحِمْمُ لِلْخَاطِئِيْنَ الْمُنِيْبِيْنَ
اَللّٰهُمَّ صَلِّ عَلٰى مُحَمَّدٍ وَ اٰلِهٖ كَمَا هَدَيْتَنَا بِهٖ
وَ صَلِّ عَلٰى مُحَمَّدٍ وَّ اٰلِهٖ كَمَا اسْتَنْقَذْتَنَا بِهٖ
وَ صَلِّ عَلٰى مُحَمَّدٍ وَ اٰلِهٖ صَلٰوةً تَشْفَعُ لَنَا يَوْمَ الْقِيٰمَةِ وَ يَوْمَ الْفَاقَةِ اِلَيْكَ
اِنَّكَ عَلٰى كُلِّ شَىْءٍ قَدِيْرٌ
وَ هُوَ عَلَيْكَ يَسِيْرٌ.
