میں اس خدا سے استغفار کرتا ہوں جس کے علاوہ کوئی خدا نہیں ۔

وہ حی و قیوم ہے،

رحمٰن و رحیم ہے

زمین و آسمان کا ایجاد کرنے والا ہے

اور یہ میرا استغفار ہر جرم

اور اپنے نفس پر زیادتی کے مقابل میں ہے اور میں خدا کی بارگاہ میں توبہ کرتا ہوں۔

خدایا میں تجھ سے سوال کرتا ہوں تیرے چہرے کے نور کے طفیل میں،

دنیا کو روشن کرنے والا،

زندہ باقی رہنے والا اور کریم ہے۔

میں تیرے اس نورِ اقدس کے واسطہ سے سوال کرتا ہوں

جو پاک و پاکیزہ ہے اور جس سے زمین و آسمان روشن ہوئے،

تاریکیاں دور ہوئیں

اور اوّلین و آخرین کے امر کی اصلاح ہوئی۔

میرا سوال یہ ہے کہ محمدؐ و آل محمدؐ پر رحمت نازل فرما۔

میرے تمام حالات کی اصلاح فرما۔

اللہ کے نام سے

وہی ہمارے لیے کافی ہے

اور اسی پر ہمارا بھروسہ ہے۔

خدایا ہمارا سوال بہترین امور کے بارے میں ہے

اور ہم تیری پناہ چاہتے ہیں، دنیا کی ذلّت اور آخرت کے عذاب سے۔

بے نیاز ہے وہ خدا جو دائم بھی ہے

بے نیاز ہے وہ خدا جو قائم بھی ہے

بے نیاز ہے وہ خدا وہ واحد ہے احد و یکتا ہے

بے نیاز ہے وہ خدا وہ اکیلا ہے، بے نیاز ہے

بے نیاز ہے وہ خدا وہ حی ہے، قیوم ہے۔

اسی کی تسبیح اور اسی کی حمد بے پناہ ہے

وہ خدا جو زندہ ہے اس کے لیے موت نہیں ہے۔

بے نیاز ہے۔ وہ خدا جو بادشاہ ہے، پاکیزہ صفات ہے۔

ملائکہ اور روح الامین کا پروردگار ہے۔

بلند و بالا ہے،

بے نیاز اور بزرگ ہے۔